ამერიკის შეერთებული შტატების სახელმწიფო დეპარტამენტი საზღვარგარეთ მოგზაურობის მსურველ საკუთარ მოქალაქეებს ახალი რეკომენდაციებს აძლევს. შტატების დიპლომატიურმა უწყებამ უსაფრთხოების მიხედვით ქვეყნები ოთხ კატეგორიად დაყო.
პირველ, ყველაზე უსაფრთხო კატეგორიაში, საქართველო მოხვდა, თუმცა, სახელმწიფო დეპარტამენტი მოქალაქეებს ურჩევს, რუსეთის მიერ ოკუპირებულ რეგიონებში, სამხრეთ ოსეთსა და აფხაზეთში გამგზავრებისგან თავი შეიკაონ.
პირველ კატეგორიაში ასევე მოხვდნენ სკანდინავიის ქვეყნები, შვეიცარია, ავსტრია, აღმოსავლეთ ევროპის ქვეყნები, კანადა და ყოფილი საბჭოთა კავშირის ქვეყნები, გარდა რუსეთის, აზერბაიჯანისა და უკრაინისა.
მეორე კატეგორიის ქვეყნებში, როგორიცაა დასავლეთ ევროპის ქვეყნები, დეპარტამენტი მიიჩნევს, რომ მეტი სიფრთხილეა საჭირო, რაც ტერორისტული აქტების მომატებული რისკებით არის განპირობებული. ამავე კატეგორიაში მოხვდა უკრაინაც, კრიმინალის დონისა და არეულობების თვალსაზრისით.
მესამე კატეგორიაში შესულ ქვეყნებში სახელმწიფო დეპარტამენტი საკუთარ მოქალაქეებს მოგზაურობისგან თავის შეკავებას ურჩევს, რადგან არსებობს აშშ-ის მოქალაქეთა შევიწროების და დაკავების რისკები, ასევე არასტაბილური გარემო, საპროტესტო აქციების სახით. ასეთ ქვეყნებს მიეკუთვნება რუსეთიც. სახელმწიფო დეპარტამენტი აფრთხილებს მოქალაქეებს ჩეჩნეთსა და ოკუპირებულ ყირიმში გამგზავრებასთან დაკავშირებითაც. მესამე კატეგორიაში ასევე, ლათინური ამერიკის ქვეყნების ნაწილი, კუბა, ვენესუელა შედის.
ქვეყნებში კი, რომლებიც მეოთხე კატეგორიაში მოხვდნენ, მოგზაურობა დაუშვებელია სიცოცხლისთვის არსებული საფრთხის გამო. ასეთ ქვეყანათა სიაში სირია, ერაყი, ირანი, ავღანეთი, ლიბია, სომალი, ჩრდილოეთ კორეა და ა.შ. მოხვდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.