მუნიციპალიტეტის 2018 წლის ბიუჯეტის პროექტთან მიმართებაში თიანეთის საკრებულომ პრინციპული დამოკიდებულება გამოავლინა, აღნიშნულია დუშეთის, თიანეთისა და ყაზბეგის გაერთიანებული ოლქის მაჟორიტარი დეპუტატის, ზაქარია ქუცნაშვილის განცხადებაში, რომელიც მისი „ფეისბუქის" ოფიციალურ გვერდზე გავრცელდა.

განცხადებაში ნათქვამია, რომ საკრებულომ ბიუჯეტის პროექტი ორჯერ დაუბრუნა მერიას და ორივე შემთხვევაში ერთი და იგივე შენიშვნების გაუთვალისწინებლობის გამო.

„ხალხის წარმომადგენლებს განმეორებით მოუწიათ მერიისათვის იმაზე მითითება, რომ თიანეთის საბავშვო ბაღების აღსაზრდელების გამოკვებისა და გათბობისათვის აუცილებელი იყო 40 ათასი ლარის დამატება;

მზრუნველობამოკლებული თიანელების უფასო სასადილოს ფუნქციონირებისათვის აუცილებელი იყო 2 ათასი ლარის დამატება;

მირზა გელოვანის მემორიალური და თიანეთის ეთნოგრაფიული მუზეუმების ფუნქციონირებისათვის აუცილებელი იყო 6 ათასი ლარის დამატება;

თიანელი ახალგაზრდების სპორტის სხვადასხვა სახეობაში ვარჯიშის უზრუნველსაყოფად აუცილებელი იყო მუნიციპალური სპორტული კლუბი „თიანეთი“-სათვის 10 ათასი ლარის დამატება;

თიანეთის ახალგაზრდების ქორეოგრაფიულ, სახელოვნებო თუ მუსიკალურ წრეებში მეცადინეობისათვის, აუცილებელი იყო თიანეთის „კულტურის ცენტრი“-სათვის 15 ათასი ლარის დამატება;

თიანეთის სოფლების წყალომომარაგების გამართული ფუნქციონირებისათვის აუცილებელი იყო 18 ათასი ლარის დამატება.

ეს ერთი ნაწილია საკრებულოს იმ შენიშვნებისა, რაც ჩვენთვის გახდა ცნობილი. ამ დროს ამ მცირე თანხების დამატების ფინანსური რესურსი არსებობდა და მისი სამართლიანი გადანაწილებისათვის მხოლოდ კეთილი ნება იყო საჭირო. ეს ყველაფერი 2018 წლის ბიუჯეტში რომ არ ასახულიყო მუნიციპალური სერვისების მიწოდება უბრალოდ შეწყდებოდა.

გაზრდის მოთხოვნა და 2018 წლის ბიუჯეტის პროექტში ყველა ზემოთ გამოთქმული ობიექტური შენიშვნა ასახა. სახეზეა თიანეთის საკრებულოს ეფექტური კონტოლი მის წინაშე ანგარიშვალდებული და პასუხისმგებელი თიანეთის მერიის მიმართ. თიანეთის საკრებულომ ხალხის ინტერესებს ბოლომდე უერთგულა", ნათქვამია ზაქარია ქუცნაშვილის განცხადებაში.