„ევროსაბჭოს ადამიანის უფლებათა ახალ კომისართან ძალიან მჭიდრო და აქტიურ თანამშრომლობას ვგეგმავთ და ჩვენი პრიორიტეტია ადამიანის უფლებების მდგომარეობა საქართველოს ოკუპირებულ ტერიტორიებზე, სადაც ეთნიკური ქართველები განსაკუთრებით მძიმე მდგომარეობაში არიან“, განუცხადა ევროსაბჭოში საქართველოს პარლამენტის მუდმივმოქმედი დელეგაციის ხელმძღვანელმა, თამარ ჩუგოშვილმა ჟურნალისტებს.
საქართველოს პარლამენტის თავმჯდომარის პირველმა მოადგილემ დუნია მიატოვიჩს კომისრის თანამდებობის დაკავება მიულოცა.
„დარწმუნებული ვარ, რომ ის იქნება ადამიანის უფლებათა ძალიან კარგი კომისარი“, აღნიშნა თამარ ჩუგოშვილმა.
მისი თქმით, ევროსაბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის მთავარი ამოცანა ადამიანის უფლებათა კომისრის მანდატის ოკუპირებულ ტერიტორიებზე გავრცელებაა.
„ევროსაბჭოს საპარლამენტო ასამბლეაში და ადამიანის უფლებათა კომისართან ურთიერთობისას მთავარი ამოცანაა, რომ მისი მანდატი გავრცელდეს ოკუპირებულ ტერიტორიებზე და შესაბამისად, გვქონდეს ობიექტური ინფორმაცია ამ ტერიტორიებზე ადამიანის უფლებების დაცვის კუთხით არსებული ვითარების შესახებ“, განაცხადა საქართველოს საპარლამენტო დელეგაციის ხელმძღვანელმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.