საქართველოს პრემიერ მინისტრი გიორგი კვირიკაშვილი ბიზნესასოციაციასთან შეხვედრას მართავს. ბიზნესასოციაციის წარმომადგენლები მთავრობის მეთაურსა და მინისტრთა კაბინეტის წევრებს კვლევის „საქართველოს ბიზნესგარემო კერძო სექტორის თვალით“ შედეგებს გააცნობენ.
როგორც შეხვედრისას მთავრობის მეთაურმა განაცხადა, მთლიანობაში მაკროეკონომიკური პარამეტრებით, 2017 წელი საკმაოდ წარმატებულად დაიხურა, დაგეგმილზე მაღალი პარამეტრები იყო, როგორც ზრდის მაჩვენებლებით მთლიანი შიდა პროდუქტის, ასევე საერთაშორისო ვაჭრობის, ექსპორტის მაჩვენებლები მნიშვნელოვნად გაიზარდა.
„წელს პირველად ვხვდები ბიზნესის წარმომადგენლებს. მინდა, გისურვოთ წარმატებული 2018 წელი. ხანგრძლივი საუბრით არ დავიკავებ დროს, მოსასმენად ვარ მოსული, ვიდრე სასაუბროდ. ძალიან მნიშვნელოვანია, რომ სუვერენული ბალანსი ძალიან გაჯანსაღდა. ერთი რამ მინდა გაცნობოთ, რომ თავისუფალი ბიუჯეტის ინდექსით ჩვენ ხუთეულში შევედით, ეს ორი დღის ამბავია. ფინანსთა მინისტრი სწორედ ამიტომ იმყოფება ამერიკის შეერთებულ შტატებში და ვფიქრობ, რომ ეს ყველასთვის მოსალოცია, რადგან 100-ზე მეტი ქვეყნის რანგირება ხდება და საქართველო არის მეხუთე ადგილზე მსოფლიოში. ეს სრულიად ახალი ამბავია”, განაცხადა გიორგი კვირიკაშვილმა.
პრემიერ მინისტრმა ბიზნესასოციაციის წევრებს ბიზნესომბუდსმენი ირაკლი ლექვინაძე წარუდგინა.
„ირაკლი ლექვინაძეს აქვს გამოცდილება ბიზნესსუბიექტებთან ურთიერთობაში. მოგიწოდოთ ყველას, რომ ვიყოთ მაქსიმალურად გულწრფელნი და გახსნილები მასთან კომუნიკაციაში”, აღნიშნა გიორგი კვირიკაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.