„ევროპული საქართველოს“ კვირას ჩატარებულ რიგგარეშე ყრილობაზე პარტიის ერთ-ერთი ლიდერი, თბილისის ყოფილი მერი, გიგი უგულავა ვანისა და ხონის გაერთიანებულ მაჟორიტარულ ოლქში დეპუტატობის კანდიდატად დასახელდა.
როგორც უგულავამ განაცხადა, „პოლიტიკოსები ძალიან დავშორდით ხალხს... სახელმწიფო აგებს ომს სიღარიბესთან, აგებს ომს უმუშევრობასთან, აგებს ომს კრიმინალთან“, რის გახდა იმის მიზეზი, რომ მიეღო მას ეს გამოწვევა.
„ვხედავთ გაჩერებულ ქვეყანას, ეკონომიკას, რომელიც სულს ღაფავს, გაზრდილ კრმინალს, რომელსაც სახელმწიფო ვეღარ უმკლავდება. ვხედავთ თვითკმაყოფილ სახეებს ხელისუფლებაში და გაღატაკებულ ხალხს ქუჩაში. ოცნებამ მომავლის რწმენა ჩაკლა მოსახლეობაში. აპათია, ნიჰილიზმი, ხელის ჩაქნევა, რომ მაინც არაფერი შეიცვლება, გათვლა - შეჩვეული ჭირი სჯობს - ქმნის იმ ფონს, რომ აღარავის სჯერა არავისი. ეს აწყობს დღევანდელ რეჟიმს. პოლიტიკა მთლიანად და პოლიტიკოსები ძალიან დავშორდით ხალხს. დღეს ყველაზე პოპულარული არც ერთი პარტიაა, ყველაზე პოპულარული პოლიტიკოსი კი არავინ. ამასობაში ხდება ფლანგვა და სახელმწიფოებრიობის ეროზია. სახელმწიფო აგებს ომს სიღარიბესთან, აგებს ომს უმუშევრობასთან, აგებს ომს კრიმინალთან. ჩვენ ვაგებთ და ვკარგავთ რწმენას საკუთარი თავისა და ქვეყნის პერსპექტივის, ამიტომ მივიღე მე ეს გამოწვევა. ხონსა და ვანს აქვს პრივილეგია იყოს ამ ცვლილებების მედროშე და ავანგარდი. ამ საყოველთაო უიმედობის ფონზე ხონელებსა და ვანელებს აქვთ შანსი საქართველოს მდორე პოლიტიკური ცხოვრების ჩარხი შეაბრუნონ და ქვეყანა პროგრესისკენ მიმართონ“, განაცხადა გიგი უგულავამ ყრილობაზე სიტყვით გამოსვლისას, სადაც პარტიის პოლიტიკური საბჭოს თავმჯდომარედ გიგა ბოკერია აირჩიეს.
ხონისა და ვანის საარჩევნო ოლქში რიგგარეშე, შუალედური არჩევნები აპრილში ჩატარდება, რადგან 2016 წლის საპარლამენტო არჩევნებში გამარჯვებული სახელისუფლებო კანდიდატი გრიგოლ ლილუაშვილი ცოტა ხნის წინ სახელმწიფო უსაფრთხოების სამსახურის უფროსის მოადგილედ დაინიშნა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.