ენერგეტიკის მინისტრი კახა კალაძე ვიცე-პრემიერის პოსტის დატოვებასა და მისი ნოდარ ჯავახიშვილით ჩანაცვლებაში პრობლემას ვერ ხედავს. კალაძის თქმით, გუნდში ცვლილებებთან დაკავშირებით საუბარი არ ყოფილა, თუმცა თუ რამდენიმე მინისტრი კიდევ შეიცვლება, მისთვის ეს პრობლემა არ იქნება.
ამის შესახებ ვიცე-პრემიერმა გაზეთ „ასავალ-დასავალთან“ საუბარში განაცხადა.
„იმის შესახებ, რომ შესაძლოა ჩემი პოსტი ნოდარ ჯავახიშვილმა დაიკავოს პირველად მესმის, თუმცა, თუკი ასეთი რამ მოხდება, ამაში ვერანაირ პრობლემას ვერ ვხედავ. ცვლილებებთან დაკავშირებთ გუნდში საუბარი ჯერ არ ყოფილა, მაგრამ თუკი რაიმე ცვლილებები განხორციელდება და რამდენიმე მინისტრი შეიცვლება, პრობლემას ვერც ამაში ვხედავ, რადგან ეს პოლიტიკის თანმდევი პროცესია და აბსოლუტურად ნორმალური მოვლენაა“, - განაცხადა კახა კალაძემ.
მინისტრმა ასევე აღნიშნა, რომ ბოლო პერიოდში ეკონომიკური გუნდის მინისტრების შეცვლაზე არაოფიციალურად, აქტიურად საუბრობენ, თუმცა მისი თქმით, ფინანსთა მინისტრის ნოდარ ხადურისა და ეკონომიკისა და მდგრადი განვითარების მინისტრის გიორგი კვირიკაშვილის შეცვლით, ლარის პრობლემა არ მოგვარდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.