საქართველოს მთავარი პროკურორის, ირაკლი შოთაძის განცხადებით, 51-ე სკოლის მოსწავლეების მკვლელობის საქმეზე ყველა საჭირო გამოძიება და საპროცესო მოქმედება ჩატარებულია და მისივე თქმით, საქმე სრულყოფილად და ობიექტურადაა გამოძიებული.
როგორც მთავარმა პროკურორმა მედიის წარმომადგენლებს საპროკურორო საბჭოს სხდომის დასრულების შემდეგ განუცხადა, აღნიშნულ საქმეზე ბრალდებულთა დაცვის მხარის განცხადებები საზოგადოების შეცდომაში შეყვანას ემსახურება.
„არსებობენ კონკრეტული ბრალდებულები, რომლებსაც ბრალი ედებათ დამამძიმებელ გარემოებაში მკვლელობის ჩადენაში, მიმდინარეობს არსებითი განხილვები და რაიმე სპეკულაცია, თითქოს ეს საქმე გამოუძიებელია, არის მცდელობა საზოგადოების შეცდომაში შეყვანის.... ყველა, ვინც უნდა დაკითხულიყო, დაკითხულია, ყველა საგამოძიებო მოქმედება ჩატარებულია, ნაწილი ექსპერტიზა ჩატარებულია, ნაწილი ჩატარების ეტაპზეა და დასკვნები სასამართლოს წარედგინება. შესაბამისად, ამ მტკიცებულებების ერთობლივი ანალიზით გამოიკვეთა ორი პიროვნება, რომლებმაც ჩაიდინეს მკვლელობა დამამძიმებელ გარემოებებში. აქ დანაშაული მდგომარეობს მკვლელობის ჩადენაში კონკრეტული პირების მიმართ და არა ინციდენტში მონაწილეობაში. ამოღებულია ორი დანა, დადგენილია, რომ ორივე დანა მკვლელობის იარაღია. დადგენილია, რომ დანებზე გარდაცვლილების გენეტიკური პროფილებია. მესმის სპეკულაციები, მესმის, რომ ეს დაცვის ტაქტიკაა, მაგრამ დადგენილი ფაქტობრივი გარემოებები სხვა რეალობაა. დაველოდოთ სასამართლოს გადაწყვეტილებას. ამ ეტაპზე შეკრებილი მტკიცებულებათა სტანდარტით დადგენილია ორი პირის მიერ დამამძიმებელ გარემოებებში მკვლელობის ჩადენა", განაცხადა ირაკლი შოთაძემ ჟურნალისტებთან საუბრისას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.