საქართველოს იუსტიციის მინისტრის, თეა წულუკიანის განცხადებით, სახელმწიფო ინსპექტორი პარლამენტის წინაშე იქნება ანგარიშვალდებული და ხელისუფლების არც ერთ სტრუქტურას არ დაექვემდებარება. მისივე თქმით, სახელმწიფო ინსპექტორის სამსახურს დევნის ფუნქცია არ ექნება და ეს ფუნქცია რჩება პროკურატურას.
„ახალი წესის თანახმად, ჩვენ მივიღებთ სახელმწიფო ინსპექტორს, რომელსაც ექნება გაცილებით მაღალი ლეგიტიმაცია. შესარჩევი კომისია, რომელიც დაკომპლექტდება ხელისუფლების სამი შტოს, ასევე, ომბუდსმენის და არასამთავრობო სექტორის წარმომადგენლებისგან, პრემიერ მინისტრს, მთავრობას ორიდან ხუთამდე კანდიდატს წარუდგენს.
შეირჩევა ორი კანდიდატი და საბოლოოდ, პარლამენტი აირჩევს სახელმწიფო ინსპექტორის თანამდებობაზე პირს, რაც დღეს პერსონალურ მონაცემთა დაცვის ინსპექტორის შემთხვევაში, ასე არ არის“, განაცხადა თა წულუკიანმა.
საქართველოს მთავრობამ დღეს დაამტკიცა ცვლილებათა პაკეტი, რომლის თანახმად, სახელმწიფო ინსპექტორის სამსახური 2019 წლის 1-ლი იანვრიდან შეიქმნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.