"მოგიწოდებთ, ტელევიზიებმა დაასრულოთ "ნაციონალური მოძრაობის" მიერ წარმოებული პროპაგანდის ტირაჟირება", - განაცხადა პრემიერ–მინისტრმა ირაკლი ღარიბაშვილმა "მაესტროსთვის" მიცემულ ექსკლუზიურ ინტერვიუში.
"იძულებული ვარ, შეგაწყვეტინოთ, რადგან თქვენ არ იცით, რა საუბრები მქონდა ევროპელ ლიდერებთან, გნებავთ, დახურულ კარს მიღმა და გნებავთ, ღიად... თქვენ – "მაესტრო", რომელიც იყავით და იმედი მაქვს, ახლაც ხართ სიტყვის თავისუფლების დამცველები, მით უმეტეს არ უნდა იმეორებდეთ "ნაციონალური მოძრაობის" მოსაზრებებსა და ფრაზებს... მე არ ვაპირებ, რომ "ნაციონალური მოძრაობის" კრიტიკას პასუხი გავცე... თუ დღეს იმისათვის მომიწვიეთ, რომ "ნაციონალური მოძრაობის" კრიტიკას ვუპასუხო, მე მგონი, არასწორად შეარჩიეთ... მე მინდა, გისაყვედუროთ, თუმცა არ მინდა, რომ მიიღოთ ეს, როგორც ჩემგან კრიტიკა პირდაპირი მნიშვნელობით – ეს თქვენ არ გეკუთვნით და ეს ჩემთვის გასაგებია, მაგრამ მინდა, ერთი რამ ძალიან კარგად განგიმარტოთ: არ ვაპირებ, "ნაციონალური მოძრაობის" მხრიდან გამოთქმულ კრიტიკას, რაღაც გაუგებარ, აბსურდულ აზრებს ვუპასუხო და ზოგადად, მოგიწოდებთ, ტელევიზიებმა დაასრულოთ "ნაციონალური მოძრაობის" მიერ წარმოებული პროპაგანდის ტირაჟირება – ეს, პირველ რიგში, თქვენ დაგაზიანებთ და თქვენ უბრალოდ დაკარგავთ მაყურებელს, იმიტომ, რომ საზოგადოებას დღეს სჭირდება სიმართლე, ხოლო თქვენ თუ ხართ მოწადინებული, რომ საზოგადოებას სიმართლე უთხრათ, მაშინ არ უნდა იმეოროთ 24 საათი "ნაციონალური მოძრაობის" მიერ გამოთქმული კრიტიკა, – ეს არის ჩემი, ასე ვთქვათ, მეგობრული რჩევა" – მიმართა ჟურნალისტს საქართველოს პრემიერ–მინისტრმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.