საქართველოს მოქალაქის, არჩილ ტატუნაშვილის ოკუპირებულ ცხინვალის რეგიონში დაკავებისა და დაღუპვის და საქართველოს კიდევ ორი მოქალაქის, ლევან ქუტაშვილისა და იოსებ პავლიაშვილის დაპატიმრების გამო, ღრმა შეშფოთებას გამოხატავს ამერიკის შეერთებული შტატები. სახელმწიფო დეპარტამენტი ტრაგიკული შემთხვევის გარემოებების სრულ გამოძიებას მოითხოვს.
„შეერთებული შტატები ღრმად არის შეშფოთებული საქართველოს მოქალაქის, არჩილ ტატუნაშვილის დაკავებისა და რუსეთის მიერ ოკუპირებული სამხრეთ ოსეთის რეგიონში პატიმრობის ყოფნის დროს მისი დაღუპვის გამო. ჩვენ სამძიმარს ვუცხადებთ მის ოჯახს.
„შეერთებული შტატები ასევე სერიოზულადაა შეშფოთებული საქართველოს კიდევ ორი მოქალაქის, ლევან ქუტაშვილისა და იოსებ პავლიაშვილის დაპატიმრების გამო და მოვითხოვთ, მიეცეთ მათ ადმინისტრაციული სასაზღვრო ხაზის მეორე მხარეს თავისუფლად დაბრუნების საშუალება.
„შეერთებული შტატები მოითხოვს ტრაგიკული შემთხვევის გარემოებების სრულ გამოძიებას და მხარეებს კვლავ მოუწოდებს რეგიონში ნდობისა და გამჭვირვალობის გაზრდის მიზნით დამატებითი ზომების მიღებაზე შეთანხმდნენ“, ნათქვამია აშშ-ის სახელმწიფო დეპარტამენტის განცხადებაში, რომელიც პრესკონფერენციაზე უწყების წარმომადგენელმა, ჰიზერ ნოიერტმა წაიკითხა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.