კიდევ რჩება ძალიან მცირე, მაგრამ შესაძლებლობა, რომ პარლამენტი შეთანხმდეს ერთიან რეზოლუციაზე, განუცხადა ჟურნალისტებს „ევროპული საქართველოს“ ერთ-ერთმა ლიდერმა, დავით ბაქრაძემ.
დავით ბაქრაძის თქმით, საპარლამენტო უმრავლესობა და უმცირესობა არჩილ ტატუნაშვილის საკითხთან დაკავშირებით ერთობლივი რეზოლუციის ტექსტზე 14 მარტს კიდევ ერთ შეხვედრას გამართავს.
„ამ ეტაპზე შეთანხმება არ არსებობს და ჩვენ გვრჩება პრინციპული განსხვავებები ძალიან მნიშვნელოვან საკითხებზე. პირველ რიგში, იმასთან მიმართებით, თუ რა სიმძაფრით და რა ფორმით უნდა იყოს რეზოლუციაში ასახული ოთხოზორია-ტატუნაშვილის სია, მაგრამ ეს ჯერ კიდევ არ არის საბოლოო ვერშეთანხმება. ჩვენ ზეგ კიდევ ერთხელ შევხვდებით და შევეცდებით, მომავალი კვირის სესიის წინ შევაჯეროთ პოზიციები. ვინაიდან ჯერ კიდევ რჩება ძალიან მცირე, მაგრამ შესაძლებლობა, რომ პარლამენტი შეთანხმდეს ერთიან რეზოლუციაზე. დღეს დეტალების შეფასებისგან თავს შევიკავებ“, განაცხადა დავით ბაქრაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.