პარლამენტის თავმჯდომარის, ირაკლი კობახიძის განცხადებით, პარლამენტში არჩილ ტატუნაშვილის ტრაგიკული გარდაცვალების საქმეზე რეზოლუციასთან დაკავშირებით საპარლამენტო უმცირესობასთან კონსულტაციები ხვალ გაიმართება.
კობახიძე იმედოვნებს, რომ რეზოლუციასთან დაკავშირებით შეთანხმება შედგება.
„რეზოლუციაზე მუშაობა მიმდინარეობს. გუშინ ჩვენ გვქონდა კონსულტაციები საპარლამენტო უმცირესობის წარმომადგენლებთან. გვქონდა კონკრეტული შეთავაზება. ამ შეთავაზებას განიხილავს საპარლამენტო უმცირესობა და ხვალ, კიდევ ერთი კონსულტაცია გაიმართება. ჩვენ იმედი გვაქვს, რომ საბოლოო ჯამში შედგება შეთანხმება რეზოლუციის ტექსტთან დაკავშირებით. ძირითად პრინციპებზე, რა თქმა უნდა, ვთანხმდებით. არის საერთო სულისკვეთება, რომელსაც ეფუძნება რეზოლუციის ორი ტექსტი. მთავარია ჩვენ შევთანხმდეთ იმ დეტალებზე, რომელიც თავისთავად მნიშვნელოვანია. ხვალ განახლდება კონსულტაციები საპარლამენტო უმცირესობასთან და ამის საფუძველზე, იმედი მაქვს, რომ ჩვენ მივაღწევთ შეთანხმებას რეზოლუციის ერთიან ტექსტთან დაკავშირებით“, განაცხადა პარლამენტის თავმჯდომარემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.