მან ნიშნის მოგებით მითხრა, რომ ის, რაც შენ ვერ გააკეთე, კარგად შეასრულა ვანო მერაბიშვილმაო, აღნიშნული განცხადება ირაკლი ოქრუაშვილმა თბილისის საქალაქო სასამართლოში ვალერი გელაშვილის ცემის საქმეზე მოწმის სახით დაკითხვისას გააკეთა.
როგორ ოქრუაშვილმა სასამართლო პროცესზე განაცხადა, მიხეილ სააკაშვილი მას გელაშვილზე ფიზიკურ თავდასხმას სთხოვდა.
„ვალერი გელაშვილის ინტერვიუში ნეგატიური დამოკიდებულება იყო როგორც მიხეილ სააკაშვილის, ასევე მისი მეუღლის წინააღმდეგ. ინტერვიუს გავრცელების შემდეგ სააკაშვილი თვლიდა, რომ გელაშვილზე ფიზიკური ანგარიშსწორება უნდა მოგვეხდინა. მე უარი ვუთხარი, მერაბიშვილი კი პირიქით, აქეზებდა მას“, განაცხადა ოქრუაშვილმა.
მისივე თქმით, „სადღაც ორი თვის შემდეგ კვლავ შევხვდი, მინდოდა გადარწმუნება, მაგრამ ისევ ხისტი პოზიცია დამხვდა და მივხვდი, რომ ჩემს არგუმენტებს აზრი არ ჰქონდა".
„თავდასხმის შემდეგ შავნაბადაზე ერთ-ერთზე შევხდი, ამჯერად ჩემი, როგორც თანაგუნდელის მიმართ უკვე პრეტენზიები ჰქონდა და ნიშნის მოგებით მითხრა, ის, რაც შენ ვერ გააკეთე, საკმაოდ კარგად შეასრულა ვანომო, რაც იმას ადასტურებდა, რომ თავდასხმა მისი ორგანიზებული იყო“, განაცხადა ოქრუაშვილმა, რომელიც 2005 წელს, პარლამენტის წევრ ვალერი გელაშვილზე შეიარაღებული თავდასხმის დროს თავდაცვის მინისტრის პოსტს იკავებდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.