ნატო-ს გენერალური მდივნის, იენს სტოლტენბერგის თქმით, ჩრდილოატლანტიკური ალიანსი მიესალმება საქართველოს მზადყოფნას, ჩაერთოს დიალოგში რუსეთთან აფხაზეთისა და ცხინვალის საკითხებზე.
როგორც სტოლტენბერგმა ბრიუსელში დღეს გამართულ პრესკონფერენციაზე განაცხადა, ელოდება, რომ ალიანსის ივლისის სამიტზე საქართველოს მიერ მიღწეული პროგრესი აღინიშნება.
„ველი, რომ ბრიუსელში დაგეგმილი სამიტი აღიარებს იმ პროგრესს, რომელსაც საქართველომ რეფორმების განხორციელების გზაზე მიაღწია და იმ ფასდაუდებელ წვლილს, რომელიც საქართველოს ნატო-ს მისიებსა და ოპერაციებში, განსაკუთრებით ავღანეთის მისიაში შეაქვს. გასულ კვირას მე საქართველოს პრეზიდენტს შევხვდი და მწუხარება გამოვხატე არჩილ ტატუნაშვილის გარდაცვალების გამო. ჩვენ გავაგრძელებთ საქართველოს პოლიტიკურ მხარდაჭერას, პრაქტიკულ მხარდაჭერას. ჩვენ ასევე მივესალმებით საქართველოს სურვილს, ჩაერთოს დიალოგში რუსეთთან აფხაზეთისა და ცხინვალის საკითხების მოსაგვარებლად“, განაცხადა იენს სტოლტენბერგმა.
მანამდე, ხუთშაბათს წარდგენილ ყოველწლიურ ანგარიშში სტოლტენბერგმა ახსნა, რომ ნატოს მიდგომა რუსეთის მიმართ „რჩება მყარი, თავდაცვითი და თანაზომიერი“. მან ასევე განაცხადა, რომ ალიანსი განაგრძობს ძალისხმევას რუსეთთან მრავალმნიშვნელოვანი დიალოგის თაობაზე, რომელიც „რთულია“, მაგრამ ამავე დროს „არსებითია გამჭვირვალობის გასაზრდელად და რისკის შესამცირებლად“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.