ირაკლი კობახიძე ჟენევაში ორმხრივ შეხვედრებს განაგრძობს. საქართველოს პარლამენტის თავმჯდომარემ დღეს შეხვედრა მაროკოს სამეფოს წარმომადგენლობითი პალატის პირველ ვიცე პრეზიდენტთან, აბდელაზიზ ომართან გამართა.
პარლამენტის პრესსამსახურის ცნობით, კობახიძემ მაროკოს სამეფოს წარმომადგენლობითი პალატის პრეზიდენტს ქვეყანაში მიმდინარე რეფორმები, არსებული პოლიტიკური და ეკონომიკური მდგომარეობა გააცნო და ხაზგასმით აღნიშნა, რომ ქვეყნის მდებარეობა და არსებული ბიზნესგარემო ხელსაყრელს ხდის ყველა ქვეყნისთვის, საქართველოში აწარმოოს ბიზნესსაქმიანობა.
წარმომადგენლობითი პალატის პრეზიდენტმა ქვეყნებს შორის ურთიერთობის გაღრმავების მნიშვნელობაზე გაამახვილა ყურადღება. შეხვედრაზე ორმხრივი ურთიერთობების გაღრმავების საქმეში აქტიური საპარლამენტთაშორისო ურთიერთობების როლზე ისაუბრეს.
მაროკოს სამეფოს დელეგაციის მხრიდან, გაცვლითი ვიზიტების სურვილი გამოითქვა.
მხარეები ამ მიმართულებით თანამშრომლობაზე შეთანხმდნენ.
საქართველოს პარლამენტის თავმჯდომარემ, მაროკოს სამეფოს წარმომადგენლობითი პალატის პრეზიდენტი „ღია მმართველობის პარტნიორობის“ ყოველწლიურ სამიტზე მოიწვია, რომელიც მიმდინარე წლის 17-19 ივლისს, თბილისში გაიმართება.
ირაკლი კობახიძე, საპარლამენტო დელეგაციასთან ერთად, 24-28 მარტს, საპარლამენტთაშორისო კავშირის (IPU) რიგით 138-ე ასამბლეაში იღებს მონაწილეობას. ასამბლეაში მონაწილეობის პარალელურად, პარლამენტის თავმჯდომარე და დელეგაციის წევრები მაღალი რანგის ორმხრივ შეხვედრებს მართავენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.