მინისტრთა კაბინეტში ცვლილებები იგეგმება. ერთ-ერთი ცვლილება საქართველოს რეგიონული განვითარებისა და ინფრასტრუქტურის სამინისტროს შეეხება. „რუსთავი 2" სანდო წყაროზე დაყრდნობით იტყობინება, რომ აღნიშნული უწყების ხელმძღვანელის პოსტზე ზურაბ ალავიძეს მთავრობის კანცელარიის უფროსი მაია ცქიტიშვილი შეცვლის.
პირველი ვიცე პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი აცხადებს, რომ შესაძლო საკადრო ცვლილებებთან დაკავშირებით ინფორმაციას არ ფლობს.
„არ მაქვს აღნიშნულთან დაკავშირებით არანაირი ინფორმაცია. არ ვადასტურებ აღნიშნულს თუ რამე ცვლილებები მოხდება გაიგებთ ალბათ", განაცხადა დიმიტრი ქუმსიშვილმა.
შესაძლო ცვლილებებთან დაკაშვირებით მცირე კომენტარი გააკეთა მედიის წარმომადგენლებთან დღეს პრემიერ მინისტრმა, გიორგი კვირიკაშვილმაც.
„ცვლილებები არის ჩვეულებრივი ამბავი, ჯერჯერობით მე არსად წასვლას არ ვაპირებ. ძალიან მნიშვნელოვანი საქმეები გვაქვს კიდევ გასაკეთებელი. დამშვიდდით, დაწყნარდით, ქვეყანას სჭირდება სტაბილურობა და ყველაფერი კარგად იქნება”, აღნიშნა მთავრობის მეთაურმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.