ხაშურის მუნიციპალიტეტის სოფელ ალში ურთიერთშელაპარაკების ნიადაგზე ერთი მამაკაცი მოკლეს, ორი ადამიანი კი დაჭრილია.
საზოგადოებრივი მაუწყებლის ინფორმაციით, შემთხვევა ერთ-ერთ ოჯახში მოხდა, სადაც ქალს ყოფილი ქმრის ძმა სამ პირთან ერთად სახლში მიეჭრა.
„სახლში ქალის მეუღლე, მაზლი და დედამთილი იმყოფებოდნენ. ჩხუბის დროს ჭრილობა მიიღო ქალის ყოფილმა მაზლმა, რომელიც ადგილზე გარდაიცვალა. ახალგაზრდა ქალის ქმარი და მისი ძმა კი, დაჭრილები ხაშურის საავადმყოფოში სასწრაფო დახმარების ბრიგადამ გადაიყვანა", აღნიშნულია ტელეარხის მიერ გავრცელებულ ინფორმაციაში.
მომხდართან დაკავშირებით აღძრულია სისხლის სამართლის საქმე სსკ-ის 108-ე მუხლით, რაც განზრახ მკვლელობას გულისხმობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.