ზუგდიდის საოლქო საარჩევნო კომისიის თავმჯდომარემ მედიას ცაიშის ადმინისტრაციულ ერთეულში გამართული საკრებულოს შუალედური არჩევნების წინასწარი შედეგების შესახებ მიაწოდა ინფორმაცია და განაცხადა, რომ „უბნებიდან შემოსული წინასწარი მონაცემების საფუძველზე ლიდერობს „ქართული ოცნების“ კანდიდატი“.
„სულ რეგისტრირებული იყო 2819 ამომრჩეველი, აქედან, მონაწილე ამომრჩეველთა რაოდენობა შეადგენს 1337 ამომრჩეველს, პროცენტულად 47,43 პროცენტს. არჩევნები ჩატარდა მშვიდ და ყველასთვის ხელმისაწვდომ გარემოში. თითოეულმა მოქალაქემ შეძლო თავისუფლად, დაუბრკოლებლად გამოეხატა თავისი კონსტიტუციური უფლება. რაც შეეხება წინასწარ შედეგებს, უბნებიდან შემოსული წინასწარი მონაცემების საფუძველზე ლიდერობს „ქართული ოცნების“ კანდიდატი. უმნიშვნელო რაოდენობის საჩივრები არის დაფიქსირებული, მცირე პროცედურულ გადაცდომებზე“, განუცხადა მედიას ზუგდიდის საოლქო საარჩევნო კომისიის თავმჯდომარემ, მირანდა მესხმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.