შინაგან საქმეთა სამინისტრომ უფლებადამცველ მ.ბ.-ზე განხორციელებულ ძალადობის ფაქტზე ორი პირი პასუხისგებაში მისცა.
„შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, უფლებადამცველ მ.ბ.-ს მიმართ განხორციელებულ ძალადობის ფაქტზე 2 პირი - 1985 წელს დაბადებული ზ.ბ. და 1988 წელს დაბადებულ ს.ბ. პასუხისგებაში მისცეს. ზ.ბ.-ს ბრალი საქართველოს სსკ-ს 120-ე მუხლით, ხოლო ს.ბ.-ს საქართველოს სსკ-ს 126-ე მუხლის 1-ლი ნაწილით წარედგინა.
გამოძიებამ დაადგინა, რომ ბრალდებულებმა მიმდინარე წლის 14 მაისს ბათუმში ნათესავს - მ.ბ.-ს, წარსულში მომხდარი დაპირისპირების გამო, ფიზიკური შეურაცხყოფა მიაყენეს.
ზ.ბ.-მ მას ხის ჯოხით მსუბუქი დაზიანებაც მიაყენა.
ბრალდებულები ჩადენილ დანაშაულს აღიარებენ.
ბათუმის საქალაქო სასამართლოს განაჩენით, ბრალდებულებს სასჯელის სახით ჯარიმა შეეფარდათ", აღნიშნულია შსს-ს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.