როგორ ვენდო იმ პროკურატურას, რომელიც დღეს მე შეურაცხყოფას მაყენებს. როგორ დავუჯდე მათ სალაპარაკოდ, როდესაც არ უნდათ ჩემი მოსმენა. მაინცდამიანც თავისი აზრი უნდათ რომ გაიტანონ. არ ვენდობი ამ პროკურატურას და როგორ დავუჯდე სასაუბროდ? ვის ვენდო? - ასე მიმართა ხორავას ქუჩაზე მოკლული დავით სარალიძის მამამ, ზაზა სარალიძემ პარლამენტის იურიდიულ საკითხთა კომიტეტის თავმჯდომარეს, ეკა ბესელიას „რუსთავი 2"-ის გადაცემაში „არჩევანი".
ბესელიამ სარალიძეს უთხრა, რომ მიიღოს მთავარი პროკურორის შეთავაზება მკვლელობის საქმეზე შეხვედრასთან დაკავშირებით.
„ბატონმა, ირაკლი შოთაძემ, როდესაც განაცხადი გააკეთა იმასთან დაკავშირებით, რომ ჩემთან შეხვედრა სურდა, ზუსტად ორ საათში გააკეთა განაცხადება ზვიად ფხაკაძემ, ჩემი საქმის პროკურორმა, რომ ბატონი გენერალური პროკურორი მზად არის ზაზა სარალიძესთან შესახვედრად, ნებისმიერ ადამიანთან თანდასწრებითო. მივიყვანე ნებისმიერი ადამიანი - ჩემი უფლებადამცველები და არ შეგვიშვა ბატონმა შოთაძემ და ახლა ითხოვს ხელახლა შეხვედრას?“ განაცხადა ზაზა სარალიძემ, რომლის თქმითაც, შოთაძემ საჯაროდ უნდა გასცეს მისთვის მნიშვნელოვან შეკითხვებზე პასუხები.
„მე ჩემი გულისწუხილი მაქვს - ჩემი შვილის უკან დგას ჩემი შვილის მეგობრები, რომლებსაც უნდათ, რომ სისხლი დაღვარონ, დავაღვრევინოთ? ვის გამო, ვიღაც ჩინოვნიკის გამო, რომელიც ნათლად ჩანს, რა დანაშაული ჩაიდინა. რატომ არის დაკავებული თენგიზ კალანდია, გამცეს პასუხი პირდაპირ, ესეც არასრულწლოვანი ხომ არ არის? თუ თენგიზ კალანდია ბრალდებულია, რატომ არის მირზა სუბელიანი გარეთ, რომელიც შეხვდა ბრალდებულს და ძალიან კარგად იცის ყველაფერი. მე ვაცხადებ,რ ომ არავითარი პრეტენზია არ გამაჩნია არც ერთ პოლიტიკურ პარტიასთან. მე ვიცავ ჩემი შვილის უფლებებს და ჩემი შვილის მეგობრების უფლებებს და არ მაინტერესებს სხვა. შოთაძეს რა უნდა ველაპრაკო, რომელიც მეუბნება, რომ ბრალდებულთა რიცხვი არ გაიზრდება. ფხაკაძეს რა უნდა ველაპარაკო, რომელიც სახეში მაფურთხებს, თითქოს, მე ჩემი შვილის სული ვიღაც პოლიტიკურ პარტიას მივყიდე. რომელ პროკურორს უნდა ვენდო? რომელიც მამცირებს?" განაცხადა ზაზა სარალიძემ „რუსთავი 2"-ის გადაცემაში „არჩევანი" სტუმრობისას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.