თბილისის 51-ე საჯარო სკოლის მე-10 და მე-11 კლასების ორ მოსწავლეს შორის მომხდარი დაპირისპირების შემდეგ არასრულწლოვანები, მანდატურები და პედაგოგები შინაგან საქმეთა სამინისტროს ერთ-ერთ სამმართველოში გამოსაკითხად დაიბარეს.
გავრცელებული ცნობით, მოსწავლეებს შორის დაპირსპირება სოციალურ ქსელში დაიწყო მას შემდეგ, რაც ერთ-ერთმა მათგანმა მეორე უცენზურო სიტყვებით მოიხსენია, რის შემდეგაც არასრულწლოვანები ერთმანეთს სკოლის მიმდებარე ტერიტორიაზე შეხვდნენ და ე.წ. საქმის გარჩევის მიზნით ასევე სხვა თანატოლებიც მიიყვანეს.
გამოკითხვიდან გამოსულმა 51-ე საჯარო სკოლის პედაგოგმა, ნანა დვალმა ჟურნალისტებთან საუბრისას განაცხადა, რომ ამ დროისთვის კონფლიქტი უკვე ამოწურულია.
„ჩვეულებრივად, დამთავრდა 6 გაკვეთილი 2 საათზე, წავიდნენ ბავშვები სახლში და რაღაც სიტყვიერი შელაპრაკება მომხდარა მეგობრებს შორის, რაღაც უცენზურო სიტყვა უხმარია ერთ-ერთს - ორივე ჩვენი სკოლის მოსწავლეა და ერთი ჩემი სადამრიგებლო კლასის. ორს შორის იყო დაპირისპირება, მიუტანა ვიღაცამ ენა, შენზე ასე უთქვამთო, გაარკვიეს უბრალოდ ბიჭებმა და შერიგდნენ“, განაცხადა ნანა დვალმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.