შინაგან საქმეთა სამინისტროში 17:00 საათზე ბრიფინგი გაიმართება.
უწყება ბრიფინგის თემას არ ასახელებს, თუმცა მაღალი ალბათობით ის პროკურატურის ყოფილი მაღალჩინოსნის, მირზა სუბელიანის საკითხს უნდა უკავშირდებოდეს.
შინაგან საქმეთა სამინისტროში ოჯახის თხოვნით ცოტა ხნის წინ მივიდა მირზა სუბელიანის ადვოკატი, რომელსაც უწყებაში შესვლისას მედიასთან კომენტარი არ გაუკეთებია.
მირზა სუბელიანი, რომელსაც ხორავას ქუჩაზე მოკლული თბილისის 51-ე საჯარო სკოლის მოსწავლის, დავით სარალიძის მამა, ზაზა სარალიძე დანაშაულის მტკიცებულებების გაყალბებაში და დამნაშავეთა მფარველობაში სდებს ბრალს, მიმდინარე კვირას უკვე მესამედ იმყოფება შსს-ში.
დღეს ის უწყებაში დილის 11:00 საათზე გამოცხადდა და როგორც წინა ორ შემთხვევაში, ამჯერადაც ადვოკატის გარეშე.
ამ დროისთვის უცნობია სამინისტროში სუბელიანის ისევ გამოკითხვა მიმდინარეობს თუ მას ბრალი უნდა წარუდგინონ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.