საპარლამენტო უმრავლესობის ლიდერმა, არჩილ თალაკვაძემ განაცხადა, რომ მიღებული და გასაგებია პროტესტი და მოთხოვნები ზაზა სარალიძის და საზოგადოების იმ ნაწილისა, რომელიც პირველად გამოვიდა და ამ საქმეზე სამართლიანობის განხორციელება მოითხოვა.
მან აღნიშნულის შესახებ პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას ისაუბრა.
„როცა ჩვენთვის სასამართლოს გადაწყვეტილება გახდა ცნობილი და დავინახეთ, რომ ამ გადაწყვეტილებით მართლმსაჯულება ბოლომდე განხორციელებული ჯერ კიდევ არ არის, ხელისუფლებამ იმ დღესვე პრინციპული გადაწყვეტილება მიიღო, შეიქმნა საგამოძიებო კომისია და მთავარმა პროკურორმა გადადგომის გადაწყვეტილება მიიღო. გარდა ამისა, მიღებულია ყველა ზომა, რომ სისხლის სამართლის საქმეებზე, სადაც კითხვები არსებობს, გამოძიება კიდევ უფრო გააქტიურდეს. გახარიას უწყება სწორედ ამას აკეთებს“, განაცხადა თალაკვაძემ, რომლის სიტყვების ციტირებასაც „საზოგადოებრივი მაუწყებელი“ ავრცელებს.
გადაცემის წამყვანის შეკითხვაზე - როგორია მისი მოლოდინი საგამოძიებო კომისიის მუშაობასთან დაკავშირებით იმის გათვალისწინებით, რომ კომისიის უმრავლესობა ოპოზიციით არის წარმოდგენილი? - არჩილ თალაკვაძემ განაცხადა, რომ ეს პრეცედენტი მაღალი დემოკრატიული სტანდარტის შესახებ მიუთითებს, რაც საპარლამენტო უმრავლესობას აქვს, კომისიამ კი, რომლის ფორმატიც ძალიან ფართოა, პროცესი რეალურად უნდა შეაფასოს და დასკვნა მოამზადოს.
„თუ ეს დასკვნა გამოძიების დასრულებამდე მომზადდა, შესაძლოა, ის გამოძიების პროცესში მსჯელობის საგანი გახდეს და სასამართლომ განხილვისთვის გამოიყენოს. რა თქმა უნდა, ამ დასკვნას აქვს გავლენა და მასზე მუშაობა ღირს. რაც შეეხება კომისიის დაკომპლექტებას, ჩვენი მხრიდან ეს გადაწყვეტილება იმისთვის იქნა მიღებული, საზოგადოებას ასი პროცენტით დავუმტკიცოთ, რომ ამ საქმეზე ხელისუფლებას ერთადერთი მიზანი აქვს – მართლმსაჯულება ბოლომდე განხორციელდეს”, თქვა თალაკვაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.