უსინდისობაა, უნამუსობაა - ვიღაცამ აგინა ივანიშვილს და „ოცნების" წევრს და აბრალებ „ნაციონალურ მოძრაობას", ასე ეხმაურება „ნაციონალური მოძრაობის" წევრი აზერ სულეიმანოვი, მარნეულის ინციდენტსა და მის მიმართ, აღნიშნულ საქმეში მონაწილე პირის, ელჩინ ალახვერდიევის ცემის ფაქტზე სისხლისსამართლებრივი დევნის დაწყებას.
დეპუტატი ამ წუთებში რუსთავში, პროკურატურაში დაკითხვაზე მივიდა.
სულეიმანოვის თქმით, ალახვერდიევი იყო „ქართული ოცნების“ წევრი და „ნაციონალური მოძრაობის“ წინააღმდეგ იბრძოდა.
„ჩვენთან იყო ოფისში და ვუთხარი, რატომ ლაპარაკობ „ნაციონალური მოძრაობის“ სახელით, შენ ჩვენი პარტიის წევრი არ ხარ - ეს არის უნამუსობა. მერე წავიდა ეს ბიჭი, მერე რა მოხდა, როგორ მოხდა, რატომ მოხდა - არ ვიცი“, აცხადებს დეპუტატი, რომლის თქმითაც, ალახვერდიევის ცემის ფაქტს ადგილი არ ჰქონია.
პროკურატურამ დამამცირებელი და არაადამიანური მოპყრობის ფაქტზე მარნეულის მერი დააკავა, ხოლო ცემის ფაქტზე სისხლისსამართლებრივი დევნა დაიწყო საქართველოს პარლამენტის წევრის "ენმ“-დან აზერ სულეიმანოვის და კიდევ 2 პირის მიმართ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.