ქობულეთის მუნიციპალიტეტის მუხაესტატეს პოლიციის განყოფილების უფროსი მოკლეს. სამართალდამცველებმა აღნიშნულ ფაქტთან დაკავშირებით ერთი პირი დააკავეს.
შინაგან საქმეთა სამინისტრომ ფაქტზე გამოძიება სსკ-ის 108-ე მუხლით აღძრა, რაც განზრახ მკვლელობას გულისხმობს. ამ დროისთვის, მკვლელობის მოტივი უცნობია.
შინაგან საქმეთა სამინისტრო მკვლელობასთან დაკავშირებით ინფორმაციას მოგვიანებით გაავრცელებს.
წუხელ მომხდარი მკვლელობის შესახებ თავდაპირველად „ერთიანი ნაციონალური მოძრაობის“ ქობულეთის საკრებულოს წევრმა, ბონდო თევდორაძემ განაცხადა.
„[პოლიციის] განყოფილების უფროსი მიაცილებდა ხეს, რომელიც გადაჰქონდათ. მას სავარაუდოდ, უკანა მხრიდან დანა დაარტყეს. ეს რა თქმა უნდა ხის გადატანას არ უკავშირდება, თუმცა არ ვიცი რის გამო მოხდა“, განაცხადა ბონდო თევდორაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.