ზიმბაბვეს პრეზიდენტი ემერსონ მნანგაგვა ქალაქ ბულავაიოს სტადიონზე მხარდამჭერებს მიმართავდა, როცა იქ ბომბი აფეთქდა და რამდენიმე ადამიანმა, მათ შორის ქვეყნის მაღალი რანგის ოფიციალურმა პირებმა დაზიანებები მიიღეს. თავად პრეზიდენტი აფეთქებას უვნებლად გადაურჩა.
პრეზიდენტი ბულავაიოში 30 ივლისის საპარლამენტო არჩევნების წინ საარჩევნო კამპანიის ფარგლებში მხარდამჭერებთან მართავდა შეხვედრას.
პრეზიდენტის წარმომადგენელმა ჯორჯ ჩარამბამ განცხადება გაავრცელა, რომელშიც ნათქვამია, რომ „ბოლო ხუთი წლის განმავლობაში პრეზიდენტის სიცოცხლის ხელყოფის არაერთ მცდელობას ჰქონდა ადგილი“.
პრეზიდენტი მნანგაგვა ხავერდოვანი გადატრიალების შედეგად ზიმბაბვეს სათავეში გასული წლის ნოემბერში მოვიდა და მანამდე ვიცე-პრეზიდენტის პოსტზე მსახურობდა, თუმცა მის მიერ ქვეყნის დიდი ხნის ლიდერის, რობერტ მუგაბეს ძალაუფლებიდან ჩამოცილებამდე, იგი იძულებული გახდა ქვეყანა დაეტოვებინა და თავი სამხრეთ აფრიკისთვის შეეფარებინა.
ზიმბაბვეს გაზეთ „ჰერალდის“ ცნობით, ბომბის აფეთქების შედეგად ფეხის არეში დაზიანება მიიღო ქვეყნის ვიცე-პრეზიდენტმა კემბო მოჰადიმ. იგი საავადმყოფოშია გადაყვანილი. პრეზიდენტის წარმომადგენლის თქმით, მისი ჯანმრთელობის მდგომარეობა დამაკმაყოფილებელია.
გაზეთმა აფეთქება აღწერა, როგორც მკვლელობის მცდელობა.
გავრცელებული ცნობებით დაზიანებები აქვთ მიღებული სხვა მაღალი რანგის ოფიციალურ პირებს და მათი დაცვის წევრებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.