„სამართალდამცველთა რეფორმირების ცენტრის" ხელმძღვანელი ზვიად კუპრავა და მასთან ერთად დაკავებული სამი პირი, 14-დღიანი პატიმრობის შემდეგ, სასჯელაღსრულების დაწესებულებიდან დღეს დილით გაათავისუფლეს.
„ეს 14 დღე მე ვიყავი გახარია-ივანიშვილის პირადი პატიმარი. ჩემი დაკავების ერთადერთი მიზანი იყო ტემპერატურის, მუხტის დახშობა და იმ სიტუაციის განმუხტვა რაც ხდებოდა რუსთაველზე, სხვა ახსნა ამას უბრალოდ არ გააჩნია.
ამ ბრძოლამ შედეგი გამოიღო და ხელისუფლება შეიცვალა. თუმცა ეს ყველაფერი არის ფორმალობა, რადგან მხოლოდ კვირიკაშვილი შეიცვალა კვირიკაძეთი. დამნაშავეები დაუსჯელი არიან, სისტემა მართალია მორყეულია, მაგრამ მაინც ფეხზე დგას, ამიტომ, ბრძოლა სისტემისა და უსამართლობის წინააღმდეგ გაგრძელდება ცხადია“, განუცხადა ზვიად კუპრავამ ჟურნალისტებს.
კუპრავასა და მასთან ერთად დაკავებულ სამ პირს ხულიგნობასა და პოლიციისთვის წინააღმდეგობის გაწევაში ადანაშაულებდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.