ხორავას ქუჩის მკვლელობის საქმის პარლამენტის დროებითი საგამოძიებო კომისიის სხდომაზე მამუკა მდინარაძე დაინტერესდა, „რამდენად არის დაზიანებული დანა, რატომ არის დაზიანებული და აუცილებელი იყო თუ არა ამ დანის იმგვარი შემოწმება, რომ თუნდაც მიკროსკოპულ დონეზე აღქმადი დააზიანებები მიეღო. რამ გამოიწვია გაღუნვა"?
მდინარაძის შეკითხვაზე პასუხად შსს-ს გამოძიების საპროცესო ხელმძღვანელობის განყოფილების უფროსმა, ზვიად ფხაკაძემ განაცხადა:
„მე წარმოგიდგენთ ხსენებულ დანას, 4 ფოტოა. ეს არის გ.ბ-ს დანა. ვიზუალურად ამას გაღუნული არ ეტყობა. პირდაპირ ჩანს, ატყობთ ხომ? ეს დანა არის დასურათებული ექსპერტების, მაია ნიკოლეიშვილის და ომარ ჯოხაძის მიერ. ეს არის სწორედ იმ კვლევის მერე, როდესაც სამხარაულის ექსპერტიზის ეროვნული ბიუროს ექსპერტმა დაასრულა კვლევა, ჩაატარა ექსპერიმენტული ცდები, ჩაატარა მუყაოს კარდონზე გადაფარებულ ნაჭერზე და ექსპერტი პირდაპირ მიუთითებს, რომ ვიზუალურად არ ლაპარაკობს, მიკროსკოპის ქვეშ მოხდა კვლევის შედეგად ხსენებული დანის წვერის დათვალიერება და დაფიქსირდა მიკრო, თვალით არხილული დეფორმირება. გაღუნვა სულ სხვა ტერმინია. მე პირადად მეჭირა ეს დანა ხელში, როდესაც გამოვიკვლიე სასამართლოს სხდომაზე ნივთიერი მტკიცებულება. ჩემს კოლეგასაც ეჭირა. ადვოკატებსაც მიეცა შესაძლებლობა დაეთვალიერებინათ ეს დანა. რა თქმა უნდა, ეს ხდებოდა ქალაბტონი მოსამართლის თანდასწრებით და დამერწმუნეთ, ვიზუალურად არანაირი დაზიანება, განსაკუთრებით გაღუნვა და რაღაც კვალი დანას არ აღენიშნებოდა“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.