ფრაქცია „ევროპული საქართველოს - რეგიონების“ წევრი ზურაბ ჭიაბერაშვილი აცხადებს, რომ პრემიერ მინისტრ მამუკა ბახტაძის მიერ გაკეთებული განცხადება იმის თაობაზე, რომ მთავრობა ხარჯებს არ გაიზრდის, მცირე მთავრობის იდეის არასწორ გაგებას წარმოადგენს.
ოპოზიციონერი დეპუტატი მიიჩნევს, რომ ბიუჯეტში დღეს არსებული ბევრი „უყაირათო პროგრამის“ შემცირების ხარჯზე დღესვე გახდება შესაძლებელი სოციალური პროგრამების და პენსიის გაზრდა 50 ლარით.
„იმის თქმა, რომ ჩვენ ხარჯებს არ გავიზრდით, რასაც ახლა პრაქტიკულად ამბობს მამუკა ბახტაძე, ეს ნიშნავს მცირე მთავრობის იდეის არასწორ გაგებას და აუცილებელია და დღესაც ვიცით ძალიან ბევრი უყაირათო პროგრამა ბიუჯეტში, რომელიც შესამცირებელია და რომლის ხარჯზეც დღესვე შეიძლება სოციალური პროგრამების გაზრდა და პენსიის გაზრდა 50 ლარით, მაგრამ ეს იმას ნიშნავს, რომ „ქართულმა ოცნებამ“ მაშინ უნდა გაანაწყენოს საკუთარი პარტაქტივი, რომელიც სსიპ-ებსა და ა(ა)იპ-ებში ჰყავთ დასაქმებული“, განაცხადა ზურაბ ჭიაბერაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.