ყველა უწყებაში - იქნება თავდაცვის სამინისტრო, შინაგან საქმეთა სამინისტრო თუ ა.შ. რუსეთს ანუ მტრულად განწყობილ სახელმწიფოს ჰყავს თავისი წარმომადგენელი, მათ შორის თანამდებობებზე, ჯაშუშები და ამ ჯაშუშებს ფულს უხდის არა მტრულად განწყობილი სახელმწიფო, არამედ თავად ჩვენი ქვეყნის ხელისუფლება, აცხადებს „ერთიანი ნაციონალური მოძრაობის" პოლიტსაბჭოს თავმჯდომარე ნიკა მელია რუსეთის სასარგებლოდ ჯაშუშობის ბრალდებით დაკავებული პირის, პეტრე დევრიშაძის საკითხთან დაკავშირებით.
„ქვეყანაში ვერ ნახავთ ტენდერს, რომელიც ობიექტურად ტარდება. დავინახეთ ტენდერი როგორ მოიგო ჯაშუშმა, რომელმაც აღიარა, რომ არის ჯაშუში. მეტიც, რუსეთმა მისი გაცვლა მოითხოვა", განაცხადა ნიკა მელიამ და დასძინა, რომ აღნიშნულ საკითხთან დაკავშირებით, აუცილებელია თავდაცვისა და უშიშროების კომიტეტის როგგარეშე სხდომის მოწვევა.
„სხდომაზე დავიბარებთ ბატონ გახარიას და ბატონ იზორიას. ასევე მაქვს იმედი, რომ პრეზიდენტი სასწრაფოდ ჩანიშნავს უშიშროების საბჭოს სხდომას ამ საკითხის გარშემო. ეს არის ის საკითხი, რომლის მიღმაც უბრალოდ აღარაფერი აღარ არსებობს. ან ჩვენ ვართ დამოუკიდებელი სახელმწიფო, ან ჩვენ ვიბრძვით დიახაც სუვერენიტეტის შენარჩუნებისთვის, ან მაშინ ღიად უნდა განაცხადოს „ქართულმა ოცნებამ", დიახაც, ჩვენ დავნებდით და ჩავბარდით რუსეთის ფედერაციას", აცხადებს ნიკა მელია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.