თბილისში, იუსტიციის სახლთან დაპირისპირება მოხდა. როგორც შემთხვევის თვითმხილველები აცხადებენ, სამართალდამცავებმა, დაახლოებით, 10 წლის მოზარდი, მანქანაში ჩასვეს და წაიყვანეს.
თვითმხილველების ინფორმაციით, ბავშვი მარტო იყო - მას არ ახლდნენ მშობლები. ადგილზე მყოფი მოქალაქეები პოლიციას არასრულწლოვნის გადაყვანის საშუალებას არ აძლევდნენ, რასაც დაპირისპირება მოჰყვა.
„იუსტიციის სახლის შესასვლელი კარიდან აიყვანეს ეს ბავშვი. არაფერი მომხდარა. ჩვეულებრივ მიცვივდნენ ეს ადამიანები და სავარაუდოდ, შინაგან საქმეთა სამინისტროს თანამშრომლები და საშინლად ძალადობდნენ ბავშვზე. ბავშვი ღრიალებდა, ტიროდა, ყვიროდა და ითხოვდა დახმარებას. წამოიყვანეს და ჩატენეს მანქანაში ასევე ძალადობით, რა თქმა უნდა. ჩვენ მივცვივდით ყველანი მოქალაქეები და წინ გადავუდექით მანქანას და არ ვაძლევდით წასვლის საშუალებას.... პოლიციის თანამშრომლებმა არანაირი კომენტარი არ გააკეთეს. პატრულის თანამშრომლები იდგნენ და მშვიდად უყურებდნენ", განაცხადა თვითმხილველმა, თინათინ ზვიადაძემ „რუსთავი 2"-თან საუბრისას.
„რუსთავი 2" შსს-ზე დაყრდნობით იტყობინება, რომ ბავშვი სისხლის სამართლის ერთ-ერთი საქმის ფარგლებში პოლიციის განყოფილებაში გადაიყვანეს და მას მშობლების ან მეურვის თანდასწრებით დაკითხავენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.