საქართველოს 6 ივლისს ოფიციალურ ვიზიტად ბელგიის სამეფოს ვიცე-პრემიერი, საგარეო და ევროპულ საქმეთა მინისტრი დიდიე რეინდერსი ეწვევა.
ბელგიის სამეფოს საგარეო უწყების ხელმძღვანელთან ორმხრივ შეხვედრას საქართველოს საგარეო საქმეთა მინისტრი, დავით ზალკალიანი გამართავს.
„შეხვედრაზე ყურადღება გამახვილდება ორ ქვეყანას შორის არსებულ მჭიდრო ურთიერთობასა და ბოლო პერიოდში თანამშრომლობას მზარდ დინამიკაზე. ასევე საუბარი შეეხება საქართველოს მიერ განხორციელებულ წარმატებულ რეფორმებს და ბელგიის მხრიდან საქართველოს ტერიტორიული მთლიანობისა და სუვერენიტეტის, ასევე ევროპული და ევრო-ატლანტიკური ინტეგრაციის ურყევ მხარდაჭერას.
შეხვედრის დასრულებისას გაიმართება მინისტრების ერთობლივი პრეს-კონფერენცია.
ვიზიტის ფარგლებში, დიდიე რეინდერსი შეხვედრას გამართავს საქართველოს პრემიერ მინისტრთან, მამუკა ბახტაძესთან. იგი ასევე მოინახულებს ევროკავშირის სადამკვირვებლო მისიას", აღნიშნულია საგარეო უწყების მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.