ძალიან ბედნიერი ვარ აქ ყოფნით - ამ სიტყვებით მიმართა იტალიის რესპუბლიკის პრეზიდენტმა, სერჯო მატარელამ საქართველოს პრემიერ მინისტრ მამუკა ბახტაძეს მთავრობის ადმინისტრაციაში გამართული შეხვედრისას.
სერჯო მატარელამ, რომელიც საქართველოს პირველი ოფიციალურ ვიზიტად სტუმრობს, პრემიერ მინისტრს თბილი და მეგობრული დახვედრისთვის მადლობა გადაუხადა და ტყიბულის შახტში მომხდარი ტრაგედიის გამო მიუსამძიმრა.
პრემიერ მინისტრის პრესსამსახურის ცნობით, შეხვედრისას, იტალიის რესპუბლიკის პრეზიდენტმა ყურადღება ორ ქვეყანას შორის მჭიდრო პოლიტიკურ, ეკონომიკურ და კულტურულ ურთიერთობებზე გაამახვილა და მზადყოფნა გამოთქვა სხვადასხვა სფეროში არსებული თანამშრომლობის კიდევ უფრო მეტად გაღრმავებისა.
„ჩემთვის საამაყოა, რომ ვარ პირველი სახელმწიფო მეთაური, რომელიც დამოუკიდებელ საქართველოში ჩამოვიდა. ეს განსაკუთრებით აღსანიშნავია, რადგან ვიზიტი ემთხვევა საქართველოს დამოუკიდებელი რესპუბლიკის გამოცხადების 100 წლის იუბილეს.
როგორც თქვენ აღნიშნეთ, ჩვენს ქვეყნებს ყველა დონეზე დიდი მეგობრობა და თანამშრომლობა აკავშირებს. პოლიტიკურ სფეროებში ჩვენ ყოველთვის ინტენსიური კონტაქტები გვქონდა, განსაკუთრებით კი, ურთიერთობები ბოლო წლებში გააქტიურდა. ყველა საერთაშორისო ფორუმზე მჭიდრო კავშირი მყარდება საქართველოსა და იტალიის წარმომადგენლებს შორის. ეკონომიკურ სფეროში უკვე არსებობს თანამშრომლობა, მაგრამ ჯერ კიდევ ძალიან დიდი არეალი გვაქვს ასათვისებელი, ხოლო კულტურულ ნაწილში ჩვენ ძალიან კარგად ვუგებთ ერთმანეთს, როგორც ორი უძველესი კულტურის მქონე ცივილიზაციის ქვეყანა. ჩვენ ცოტა ხანში გადავინაცვლებთ ბიზნესფორუმზე. ეს გახლავთ ღონისძიება, რომელიც ჩვენს სურვილებს - სხვადასხვა სფეროში არსებული თანამშრომლობის კიდევ უფრო მეტად გაღრმავების შესახებ ხორცს შეასხამს.
დიდი მადლობა მიღებისათვის," მიმართა იტალიის რესპუბლიკის პრეზიდენტმა საქართველოს მთავრობის მეთაურს.
თავის მხრივ, მამუკა ბახტაძემ სერჯო მატარელას საქართველოში ვიზიტს ისტორიული უწოდა და აღნიშნა, რომ იტალიის პრეზიდენტის სტუმრობა კარგი დასტურია ბოლო წლების განმავლობაში ორ ქვეყანას შორის არსებული ურთიერთობების ხარისხობრივად ახალ დონეზე გადაყვანისა. პრემიერ მინისტრმა შეხვედრისას განსაკუთრებული ყურადღება საქართველოსა და იტალიას შორის ეკონომიკურ, კულტურულ თანამშრომლობასა და ხალხთაშორის კავშირებზე გაამახვილა.
„ჩვენთვის განსაკუთრებულად ემოციური და მნიშვნელოვანი დღეა, ვინაიდან, ეს არის პირველი შემთხვევა დამოუკიდებელი საქართველოს ისტორიაში, როდესაც ჩვენი მოკავშირე ქვეყნიდან უმაღლესი დონის ვიზიტი ხორციელდება და მინდა, ბატონ პრეზიდენტს, პირადად, დიდი მადლობა გადავუხადო ამისთვის. ამავე დროს, ჩემი აზრით, ეს ვიზიტი კარგი დასტურია იმისა, რომ ბოლო წლების განმავლობაში ჩვენ შევძელით და ჩვენი ურთიერთობა ხარისხობრივად ახალ დონეზე გადავიყვანეთ. ვინც ამ ურთიერთობის გაღრმავებაში წვლილი შეიტანა მინდა, ყველა უწყებას და ყველა ადამიანს დიდი მადლობა გადავუხადო.
საქართველო თავისი კულტურით, წარსულით და მომავლით არის ევროპული ცივილიზაციის ნაწილი და ჩვენთვის განსაკუთრებით მნიშვნელოვანია თქვენი მხარდაჭერა. ბატონო პრეზიდენტო, ჩემი და ქართველი ერის სახელით მინდა, დიდი მადლობა გადაგიხადოთ ჩამობრძანებისთვის და მხარდაჭერისთვის," მიმართა მამუკა ბახტაძემ სერჯო მატარელას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.