საქართველოს პრეზიდენტმა, გიორგი მარგველაშვილმა ყირგიზეთის რესპუბლიკის პრემიერ მინისტრი მუჰამედკალი აბილგაზიევი მიიღო, რომელიც თბილისში პირველად იმყოფება და საქართველოს OGP- ის სამიტში მონაწილეობის მისაღებად ეწვია.
შეხვედრისას, საუბარი შეეხო საქართველოსა და ყირგიზეთს შორის პოლიტიკური თანამშრომლობის გაღრმავებასა და სექტორული ურთიერთობების განვითარებას. პრეზიდენტი მიესალმა ყირგიზეთის პრემიერის პირველ ვიზიტს საქართველოში, და აღნიშნა, რომ ეს განსაკუთრებულ მნიშვნელობას შეიტანს ქვეყნებს შორის ორმხრივი ურთიერთობების გაღრმავებაში.
მხარეებმა ოკუპირებულ ტერიტორიებზე შექმნილი მდგომარეობა და რეგიონში არსებული უსაფრთხოების გარემო მიმოიხილეს.
მხარეებმა განიხილეს მიმდინარე ეკონომიკური საერთაშორისო პროექტები და საქართველოსა და ყირგიზეთს ეკონომიკური პოტენციალი სავაჭრო-ეკონომიკური მიმართულებებით.
განიხილეს პროექტის “ლაპის ლაზური” მნიშვნელობა, რომელიც ქვეყანას წარმოაჩენს, როგორც მნიშვნელოვან სატრანსპორტო და სავაჭრო დერეფანს ევროპასა და აზიას შორის.
ინფორმაციას პრეზიდენტის ადმინისტრაცია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.