რეგიონული განვითარების საკითხებში პრემიერ მინისტრის მრჩეველი სოზარ სუბარი გიორგი კვირიკაშვილის მთავრობის ორი მინისტრის, მისი თანაგუნდელების, დიმიტრი ქუმსიშვილისა და ზურაბ ალავიძის პროკურატურაში გამოკითხვასთან დაკავშირებით ვარაუდობს, რომ შეკითხვები საგამოძიებო ორგანოს დიდი ხანია აქვს და გამოძიება მათი გამოკითხვაზე დაბარებით არ დაწყებულა.
სუბარის თქმით, შეკითხვების დასმის შემდეგ ვისი ბრალეულობა გამოიკვეთება, ან გამოიკვეთება თუ არა ვინმეს ბრალეულობა, გამოძიება დაადგენს.
„ჩვენ ვმუშაობდით ერთად. მრავალი წლის განმავლობაში, ვაკეთებდით ერთ საქმეს და ღრმად ვარ დარწმუნებული, რომ ეს საქმეები იყო ქვეყნისთვის სასარგებლო და ქვეყნისთვის სასიკეთო. თუმცა, არ გამოირიცხება, რომ ასეთ დროს გარკვეული კითხვები გაჩნდეს და ამ კითხვებზე პასუხისგაცემა, ბუნებრივია, ყველას მოვალეობაა. იმისთვის არსებობს საგამოძიებო ორგანოები, რომ კითხვები დასვან. როდესაც 20 დღის წინ დაიბარეს ადამიანები გამოკითხვაზე, ეს არ არის 21 დღის წინ დაწყებული საქმეები, სავარაუდოდ, ეს კითხვები არსებობდა დიდი ხანია, მიდიოდა მუშაობა. ამ კითხვებზე ვისი ბრალეულობა გამოიკვეთება, გამოიკვეთება თუ არა ვინმეს ბრალეულობა, ამას გამოძიება დაადგენს", განუცხადა ჟურნალისტებს სოზარ სუბარმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.