გიგი უგულავამ კითხვაზე - ნარმანია თუ კალაძე? თათია შარანგიას საავტორო გადაცემა „სთორიში“ კალაძე არჩია. უგულავას თქმით, კალაძე ნარმანიასთან შედარებით არაკომპეტენტურია, თუმცა როგორც „ცენტრალური თბილისის მერი“ ხალხისთვის კონკრეტულ რაღაცებს აკეთებს.
„შემიძლია გითხრათ, რომ ნარმანია ბევრად კომპეტენტური იყო, მაგრამ კომპეტენცია არაფერ შუაში არ არის. შენ როცა აგირჩევენ, კონკრეტული რაღაცები უნდა გაუკეთო ხალხს, მაგალითად სტადიონი, იქ კანალიზაციის მილი გასკდა, ასფალტი და ა.შ. ამ გაგებით, კალაძე პრინციპში ნარმანიას ჯობია, მაგრამ ჯერჯერობით მე რასაც ვუყურებ, კალაძეს, ის არის თბილისის სამი უბნის და ფეისბუქის მერი, იმიტომ რომ თბილისის გარეუბნების მცხოვრებლებზე არ ზრუნავს. ძირითადად არის თბილისური ცენტრის მერი. მერე თუ გახდება დანარჩენის მერი, ვნახოთ“, განაცხადა გიგი უგულავამ.
გიგი უგულავა ასევე ამბობს, რომ თბილისის მერი ისეთი თანამდებობაა, რომ არ უნდა დაიკარგო, ნარმანია აორთქლდა, მაგრამ კალაძე არ დაიკარგება.
„თბილისის მერი, მით უმეტეს ხალხის არჩეული, ეს ისეთი თანამდებობაა, რომ არ უნდა დაიკარგო, ნარმანია იყო შემთხვევითობა. ეს ჩანს ახლაც, იმიტომ რომ აორთქლდა, მაგრამ კალაძე არ დაიკარგება, რადგან ის ფეხბურთელიც იყო და სხვათა შორის, ერთ-ერთი წარმატებული“, განაცხადა გიგი უგულავამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.