ე.წ დასაქმების პროგრამის ეპიზოდზე ყოფილი პრემიერ-მინისტრის ვანო მერაბიშვილისა და ჯანდაცვის ყოფილი მინისტრის ზურაბ ჭიაბერაშვილის საქმის განხილვაზე, დღეს, ქუთაისის საქალაქო სასამართლოში პროკურატურა დასკვნითი სიტყვით წარსდგება. საქმის განხილვა უკვე დასასრულს უახლოვდება, მოსამართლემ განაჩენი 21 თებერვლამდე უნდა გამოიტანოს.
დაცვის მხარე დარმწუნებულია, რომ განაჩენი გამამართლებელი იქნება, რადგან ადვოკატების თქმით, ბრალდებამ ვერცერთი რეალური მტკიცებულება ვერ წარადგინა.
ზურაბ ჭიაბერაშვილის განმარტებით კი, სასამართლო პროცესის განმავლობაში, პროკურატურის მიერ შეკერილი საქმე დაინგრა.
"ჩვენ ნამდვილად ველოდებით გამამართლებელ განაჩენს. ახლა დარჩენილია მხარეთა საბოლოო დასკვნითი სიტყვები. გუშინწინ ჩვენს დაკითხვაზე ბრალმდებლები, უბრალოდ, თავჩახრილები ისხდნენ, აღარ იციან ამ პოლიტიკური საქმიდან როგორ გამოძვრნენ ისე, რომ სახე შეინარჩუნონ"- განაცხადა ჭიაბერიშვილმა.
წინა სხდომაზე ჭიაბერაშვილი და ასევე ყოფილი ხელისუფლების სხვა წარმომადგენლებიც დაიკითხნენ.
მერაბიშვილსა და ჭიაბერაშვილს ბრალი ამომრჩევლის მოსყიდვა, მითვისება/გაფლანგვა და სამსახურებრივი უფლებამოსილების ბოროტად გამოყენებაში აქვთ წარდგენილი, რაც 12 წლამდე თავისუფლების აღკვეთას ითვალისწინებს.
საქმე 2012 წელს დასაქმების სახელმწიფო პროგრამის განხორციელებას ეხება. პროკურატურა მიიჩნევს, რომ სოციალური აგენტები ამ პროგრამის ფარგლებში თვალთმაქცურად დაასაქმეს და სინამდვილეში კი, ისინი წინასაარჩევნო პერიოდში "ერთიანი ნაციონალური მოძრაობის" პარტიულ დავალებებს ასრულებდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.