პარტია „ქართული ოცნების“ რიგებიდან გასულ კვირას გარიცხული დეპუტატი დავით ჭიჭინაძე საქართველოში ამერიკის შეერთებული შტატების საელჩოს პოლიტიკურ მდივანს ხვდება.
დეპუტატის თქმით, შეხვედრა საელჩოს წარმომადგენელთა ინიციატივით იმართება.
„მოვლენებს ნუ გავუსწრებთ. შევხვდებით და გვეცოდინება რასთან დაკავშირებით იქნება შეხვედრა. ალბათ, მიმდინარე მოვლენებს შეეხება საუბარი. ჩემი გარიცხვის შესახებ ინფორმაციას რა მიწოდება უნდა, ვფიქრობ, ჩემი გარიცხვის შესახებ ალბათ, სხვებმა უფრო მეტი იციან, რადგან ჩემთვის მართლა გაუგებარია არგუმენტები, რასაც ასახელებენ“, უთხრა დავით ჭიჭინაძემ ჟურნალისტებს.
მან ასევე თქვა, რომ მისი პარტიის რიგებიდან მისი გარიცხვის საკითხის გადახედვის მიზნით, „ქართული ოცნების“ პოლიტსაბჭოსთვის არ მიუმართავს, თუმცა არ გამორიცხავს, რომ მმართველი პარტიის ზოგიერთ წევრთან და ამომრჩეველთან კონსულტაციების შემდეგ, ეს ნაბიჯი გადადგას.
„შემიძლია მიმართვა. უბრალოდ არ მიმიმართავს, ვადა მაქვს და ვფიქრობ, გამოვიყენო თუ არა. სხვადასხვა კონსულტაციის შედეგად ჩამოვყალიბდები და მივიღებ გადაწყვეტილებას“, განაცხადა ჭიჭინაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.