საქართველოს პრეზიდენტმა, გიორგი მარგველაშვილმა ბრიფინგზე განაცხადა, რომ გადაწყვეტილებას იმის შესახებ, მიიღებს თუ არა საპრეზიდენტო არჩევნებში მონაწილეობას, მოგვიანებით გამოაცხადებს.
„პირველ რიგში, ჩვენ ვსაუბრობთ, გადაუწყვეტელ ამომრჩეველზე. ყველაფერი გავაკეთეთ ამ ხუთი წლის განმავლობაში იმისთვის, რომ დაგვებნია ჩვენი ქვეყნის ამომრჩევლები და მათი მოლოდინები ქვეყნის მთავარ ინსტიტუტებთან მიმართებაში. ამომრჩეველმა დღეს იცის, რომ პრეზიდენტს ჩამოართვეს უშიშროების საბჭო, მოსამართლეების დანიშვნის უფლება, საერთაშორისო აქტიურობების უფლება, მოქალაქეობის საკითხშიც, ფაქტობრივად, იუსტიციის მინისტრის გადასაწყვეტი იქნება. აქედან გამომდინარე, მოქალაქეები დაბნეულები არიან. არა მარტო მოქალაქეები, მთელი პოლიტიკური სპექტრია დაბნეული, რადგან მთელი ამ წლების განმავლობაში მიდიოდა რყევა არა მარტო პრეზიდენტის ინსტიტუტის, არამედ უშიშროების საბჭოსიც და სხვების. შესაბამისად, ეს ჩამოუყალიბებლობა ჩემთვის გასაოცარი არ არის. მე ჩემს გადაწყვეტილებას ამ საკითხთან დაკავშირებით მაშინ მოგახსენებთ, როდესაც მე ვიქნები ჩამოყალიბებული. ძალიან რთულია ქვეყანაში, სადაც ამდენი გაჭირვებაა, იყო ქვეყნის პირველი პირი და არ შეგეძლოს დაეხმარო შენს მოქალაქეებს, ვისზეც ყველაზე მეტად შეგტკივა გული. ამ გადაწყვეტილებას მაშინ მოგახსენებთ, როდესაც მივიჩნევ საჭიროდ“, განაცხადა გიორგი მარგველაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.