ხორავას ქუჩაზე მკვლელობის საქმის შემსწავლელი დროებითი საგამოძიებო კომისიის სხდომაზე იუსტიციის მინისტრის თეა წულუკიანის მოსმენა ორი კითხვის შემდეგ დასრულდა.
ორივე კითხვა მინისტრს „ევროპული საქართველოს“ დეპუტატმა ოთარ კახიძემ დაუსვა.
პირველი კითხვა ეხებოდა მირზა სუბელიანს. ოთარ კახიძეს აინტერესებდა იცნობდა თუ არა იუსტიციის მინისტრი სუბელიანს, რაზეც წულუკინმა უპასუხა, რომ მირზა სუბელიანს არ იცნობდა.
მეორე კითხვა კი, თეა წულუკიანის განცხადებას ეხებოდა, რომელშიც წულუკიანი ამბობდა, რომ არ ეთანხმებოდა ყოფილი მთავარი პროკურორის ირაკლი შოთაძის გადადგომას და მადლობას უხდიდა მას იმისთვის, რაც უთხრა – „გადავდგები და დაიჯერებენ, რომ მართალი ვარ“. ოთარ კახიძე დაინტერესდა, მაშინ როცა საქმეზე დროებითმა საგამოძიებო კომისიამ დაადგინა რამდენიმე გარემოება, ამ ფონზე ისევ მიაჩნდა თუ არა მინისტრს, რომ ირაკლი შოთაძე მართალი იყო და მადლობა უნდა გადაეხადა თუ არა იმისთვის, რაც მაშინ უთხრა, ანუ ეთანხმებოდა თუ არა 31 მაისს მის მიერ გაკეთებულ განცხადებას.
თეა წულუკიანმა დეპუტატს მიუგო, რომ, რა თქმა უნდა, თავის 31 მაისის განცხადებას ეთანხმება.
ამის შემდეგ სხდომა დასრულდა. იუსტიციის მინისტრმა კი, კომისიას წარმატებები უსურვა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.