რუსეთის ფედერაციის პრემიერ მინისტრის, დიმიტრი მედვედევის განცხადებას სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილი ეხმაურება.
მედვედევის განცხადებაზე, რომ საქართველოს ნატო-ში გაწევრიანებას შესაძლოა, კატასტროფული შედეგები მოჰყვეს, ციხელაშვილი ამბობს, რომ საქართველო თავისი განვითარების კურსით არავის წინააღმდეგი არ არის.
„ასეთი ტიპის განცხადებები ისმის ამ ბოლო დროს უფრო ხშირად რუსეთის პოლიტიკური წრეების მხრიდან. სამწუხაროდ, ეს ახალი არ არის, თუმცა, კიდევ ერთხელ, პასუხად მხოლოდ ერთი რამ შეიძლება ითქვას დაბეჯითებით და დარწმუნებით, რომ საქართველო თავისი განვითარების კურსით, მისი რეფორმებით არ არის არავის წინააღმდეგი, ეს არის ძალიან მნიშვნელოვანი. საქართველოს კურსი ევროპული და ევროატლანტიკური განვითარების ემსახურება მხოლოდ ერთ რამეს - იმას, რომ ეს იყოს ქვეყანა, რომელიც შეძლებს თავისუფალ, დემოკრატიულ გარემოში განავითაროს ეკონომიკა და ჰყავდეს დაცული საზოგადოება“, განაცხადა ციხელაშვილმა ჟურნალისტებთან საუბრისას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.