რუსეთ-საქართველოს 2008 წლის ომიდან 10 წლისთავზე, თბილისს პოლონეთის საგარეო საქმეთა მინისტრი იაცეკ ჩაპუტოვიჩი, ლიეტუვის საგარეო უწყების ხელმძღვანელი ლინას ლინკევიჩიუსი, ლატვიის საგარეო საქმეთა მინისტრი ედგარს რინკევიჩსი და უკრაინის ვიცე პრემიერი პავლო როზენკო ეწვივნენ. აეროპორტში მათ საქართველოს საგარეო საქმეთა მინისტრი დავით ზალკალიანი დახვდა.
პოლონეთის საგარეო საქმეთა მინისტრმა, იაცეკ ჩაპუტოვიჩმა განაცხადა, რომ ამ ვიზიტით უნდათ სოლიდარობა გამოხატონ ქართველი ხალხის მიმართ და მხარი დაუჭირონ საქართველოს სუვერენიტეტს და ტერიტორიულ მთლიანობას.
„ჩვენი ვიზიტით გვინდა გამოვხატოთ სოლიდარობა ქართველი ხალხის მიმართ, გამოვხატოთ მხარდაჭერა საქართველოს ტერიტორიული მთლიანობისა და სუვერენიტეტის, ასევე თქვენი ქვეყნის ტრანსატლანტიკური და პროევროპული მისწრაფებების მიმართ, კმაყოფილი ვართ ბრიუსელში „ნატო“-ს სამიტის შედეგით, რომ საქართველოსთვის „ნატო“-ს და ალიანსის კარი ღია რჩება“, განაცხადა პოლონეთის საგარეო საქმეთა მინისტრმა.
სტუმრები მონაწილეობას მიიღებენ საქართველოს საგარეო საქმეთა სამინისტროს ორგანიზებით დაგეგმილ მრგვალი მაგიდის ფორმატის შეხვედრაში: „მშვიდობისა და უსაფრთხოებისთვის - 2008 წლის რუსეთ-საქართველოს ომიდან 10 წლის შემდეგ“.
ლიეტუვის საგარეო საქმეთა მინისტრმა, ლინას ლინკევიჩიუსმა გუშინ, Twitter-ის გვერდზე სპეციალური მიმართვა გაავრცელა. მიმართვაში მან ქართველ ხალხს თანადგომა ქართულ ენაზე გამოუცხადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.