„ევროპული საქართველოს" პრეზიდენტობის კანდიდატმა, დავით ბაქრაძემ პარტიის მხარდამჭერებს წინასაარჩევნო პროგრამა გააცნო.
მისი თქმით, მმართველი გუნდისგან შემოთავაზებული კაბინეტის პრეზიდენტი ქვეყანას არ სჭირდება.
„საქართველოს არ სჭირდება კაბინეტის პრეზიდენტი, როგორც ამას გვთავაზობს „ქართული ოცნება“. საქართველოს სჭირდება პრეზიდენტი, რომელიც იმუშავებს ხალხის პრობლემების მოსაგვარებლად და რომლის საქმიანობიდანაც ხალხი მიიღებს კონკრეტულ სარგებელს - იქნება ეს ახალგაზრდების დაფინანსება, იქნება ეს მილიონზე მეტი უცხოეთში იძულებით სამუშაოდ წასული ქართველისთვის უკეთესი პირობების შექმნა, იქნება ეს პენსიის გაზრდა, იქნება ეს სოფლის მიხედვა და დახმარება თუ ძალიან ბევრი სხვა მტკივნეული საკითხი. სწორედ ამით უნდა იყოს პრეზიდენტი დაკავებული“, განაცხადა დავით ბაქრაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.