ბელარუსის პრეზიდენტმა, ალექსანდრე ლუკაშენკომ მთავრობის ხელმძღვანელი ანდრეი კობლიაკოვი და რამდენიმე მინისტრი შეცვალა. ქვეყნის ახალი პრემიერ მინისტრი „განვითარების ბანკის“ ყოფილი დირექტორი სერგეი რუმასი გახდა. აღნიშნული ინფორმაცია მთავრობის მეთაურის ვებგვერდზეა განთავსებული.
უკვე ყოფილი პრემიერი, კობლიაკოვი მთავრობის მეთაურის პოსტს 2014 წლიდან იკავებდა.
ლუკაშენკომ მთავრობაში სხვა საკადრო ცვლილებებიც განახორციელა. პრემიერის პირველ მოადგილედ მან ალექსანდრე ტურჩინი დანიშნა, რომელიც ამ დრომდე მინისტრთა საბჭოს აპარატს ხელმძღვანელობდა. პრემიერ მინისტრის ერთ-ერთ მოადგილედ კონცერნ „Белнефтехим“-ის დირექტორი იგორ ლიაშენკო დაინიშნა. პრემიერის კიდევ ერთი მოადგილე კი ვლადიმერ კუხარევი იქნება.
პრემიერ მინისტრის მეოთხე მოადგილე იქნება იგორ პეტრიშენკო, რომელიც ბელარუსის საგანგებო და სრულუფლებიანი ელჩი იყო რუსეთში.
პრეზიდენტმა ლუკაშენკომ ასევე რამდენიმე ახალი მინისტრი დანიშნა. დიმიტრი მიკულენოკი არქიტექტურისა და მშენებლობის მინისტრი გახდა; პაველ უტიუპინი - მრეწველობის მინისტრი; კონსტანტინ შულგანი - კომუნიკაციებისა და ინფორმაციის მინისტრი; დიმიტრი კრუტოი -ეკონომიკის მინისტრი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.