როგორც ჩანს, „მეოცნებეებში“ დიდი აზრთა სხვაობაა და ვაი-ვიშია საპრეზიდენტო კანდიდატთან დაკავშირებით. დიახ, არ იციან რა ქნან, როგორ გამოვიდნენ იმ სასაცილო და ამავდროულად, მათთვის „სატირალი“ მდგომარეობიდან, როდესაც განაცხადეს, რომ პრეზიდენტობის კანდიდატი არ ეყოლებოდათ?! პოლიტიკური რეალობა კი ისეთია, რომ ქვეყნის პრეზიდენტი, რაც არ უნდა შეზღუდული კონსტიტუციური უფლება-მოვალეობებით სარგებლობდეს, იგი იმავე კონსტიტუციით სახელმწიფოს პირველი პირია, რომელსაც ხალხი ირჩევს პირდაპირი და საყოველთაო არჩევნების გზით, ანუ მას ყველაზე მაღალი ლეგიტიმაცია აქვს სახელმწიფოში, პოლიტიკურ თანამდებობებზე მყოფ პირთა შორის!
დიახაც, „ქ/ოცნების“ ზოგიერთი წარმომადგენელი აჩქარდა, როდესაც პარტიის თავმჯდომარეს ურჩია, რომ პარტიას არ დაეყენებინა საკუთარი კანდიდატი! დღეს, რომ 2024 წელი იყოს და კონსტიტუციაში, საარჩევნო სისტემაში შეტანილი ცვლილების საფუძველზე ირჩეოდეს ქვეყნის პრეზიდენტი, ანუ არაპირდაპირი და არასაყოველთაო არჩევნებით, მაშინ სავსებით შესაძლებელი და ნორმალური იქნებოდა, ამგვარად არჩეული პრეზიდენტის თანამდებობა (პარლამენტის წევრთა და საარჩევნო კოლეგიის მიერ, სულ 300-მდე ადამიანი), „სხვებისთვის დაეთმოთ!“
მოკლედ, ქოცებმა ბიძინაც საგონებელში ჩააგდეს და საკუთარი თავიც! არადა, ნაცანასხლეტების „სუნთქვა ყურში ჩაესმით“, ვაშაძე-ბაქრაძის „გაყოფილი დუეტის“ სახით! სალომე ზურაბიშვილზე „ფსონის ჩამოსვლა“ დიდ რისკთან რომაა დაკავშირებული, დასაწყისშივე უკვე ცხადი გახდა (ამ ქალბატონის ლექსიკა, „ანალისტები“, „გათხრა-გამოთხრები“ და სხვა მარგალიტები „გაკვირვებას იწვევს“ და „ახლებიც“ კიდევ წინაა)!
ასე რომ, საკითხი ღიადაა დარჩენილი, დრო კი, კანდიდატის წარდგენამდე ცოტა რჩება! ჰოდა, ვიფიქრე, ჩემი სამშობლოს ინტერესებიდან გამომდინარე, კიდევ ერთხელ და უკანასკნელად „ვურჩიო“ „ქ/ოცნების“ თავმჯდომარეს, თუ ვინ დააყენოს მისმა პარტიამ კანდიდატად, მოახლოვებულ საპრეზიდენტო არჩევნებში! აქ მთავარია, რომ ივანიშვილს ეყოს გამბედაობა და მიუხედავად ყველაფრისა (მასზე სხვადასხვა გავლენების და ზეწოლისა), საქართველოს სახელმწიფო სასიცოცხლო ინტერესებიდან გამომდინარე, პრეზიდენტობის კანდიდატად დაასახელოს, ცნობილი დიპლომატი და სახელმწიფო მოღვაწე, უპარტიო ზურაბ აბაშიძე! მიმაჩნია, მეტიც, დარწმუნებული ვარ, რომ ზურაბ აბაშიძის ქვეყნის პრეზიდენტად არჩევის შემთხვევაში, მალევე დაიწყება საქართველო-რუსეთის დიალოგი უმაღლეს დონეზე, რაც ძალიან გვესაჭიროება ბევრი მიზეზის გამო!!.. სწორედ რომ, მეც და საქართველოს ნახევარზე მეტი ამომრჩეველი ზურაბ აბაშიძეს დავუჭერთ მხარს (პირველივე ტურში გაიმარჯვებს), რადგანაც სხვა პოპულისტი, პოლიტიკურად ანგაჟირებული, პარტიულად შეზღუდული და ფსიქოლოგიურად პრობლემატური კანდიდატებისგან განსხვავებით, ბატონი აბაშიძე პოლიტიკურად დახვეწილი, პროფესიონალი და განსწავლული ინტელიგენტი პიროვნებაა! ზურაბ აბაშიძე უმაღლესი დონის და კლასის დიპლომატია, იგი წლების მანძილზე იყო საქართველოს ელჩი ნატო-ში და ბენილუქსის ქვეყნებში, ასევე, საქართველოს ელჩი რუსეთის ფედერაციაში!.. ბატონი ზურაბი, დიდი პოლიტიკური გამოცდილების მქონე, მშვიდი და გაწონასწორებული ადამიანია, აღიარებული ინტელექტუალი, საქართველოში პატივცემული და დაფასებული ოჯახის წარმომადგენელი, პოეტ-აკადემიკოსის ირაკლი აბაშიძის უფროსი ვაჟი გახლავთ!..
მწამს და მჯერა, რომ საქართველოს პრეზიდენტის თანამდებობაზე, ზურაბ აბაშიძე შეძლებს ქვეყნის ურთულესი პრობლემის "მკვდარი წერტილიდან" დაძვრას, რასაც საქართველოს ტერიტორიული მთლიანობის საკითხი ჰქვია, რომელიც ოკუპანტ რუსეთთან ურთიერთობის დარეგულირების შედეგად მიიღწევა!!!
ჯუმბერ კირვალიძე,
პოლიტოლოგი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.