გერმანიის კანცლერის საქართველოში ვიზიტი ერთ-ერთი მნიშვნელოვანი პოლიტიკური გზავნილია მსოფლიოსთვის და ჩვენი საზოგადოებისთვის - აცხადებს პარლამენტის საგარეო ურთიერთობათა კომიტეტის თავმჯდომარის მოადგილე დიმიტრი ცქიტიშვილი.
მისი თქმით, სიმბოლურია, რომ ანგელა მერკელი საქართველოში აგვისტოში ჩამოდის.
„რუსეთი ყოველთვის ეცდება, აგვისტოს თვე გამოიყენოს თავისი გარკვეული სიმბოლური ნაბიჯებისთვის, თუმცა ჩვენ გვაქვს მნიშვნელოვანი შემხვედრი გზავნილები, ჩვენი პარტნიორებისგან, ის, რომ ანგელა მერკელი აგვისტოში ჩამოდის საქართველოში, ესეც ძალიან სიმბოლურია და ძალიან დიდი პრინციპული მინიშნებაა მთელი მსოფლიოსთვის, ჩვენი საზოგადოებისთვის და ასევე მთელი მსოფლიოსთვის, რომ გერმანია ჩვენ მხარეს არის, ჩვენი სიმართლის მხარეს არის და სოლიდარულია იმ პრობლემების წინაშე, რომლის წინაშეც საქართველო დგას და განსაკუთრებულად რუსეთთან ურთიერთობის კუთხით“, განუცხადა ჟურნალისტებს დიმიტრი ცქიტიშვილმა.
დეპუტატმა ყურადღება გერმანიასთან ეკონომიკურ თანამშრომლობაზეც გაამახვილა და განაცხადა, რომ ეს თანამშრომლობა უფრო უნდა გაღრმავდეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.