საქართველოს ოფიციალურ ვიზიტად გერმანიის კანცლერი ესტუმრა. ანგელა მერკელის თვითმფრინავი თბილისის შოთა რუსთაველის საერთაშორისო აეროპორტში ამ წუთებში დაეშვა.
მერკელს აეროპორტში საგარეო საქმეთა მინისტრი დავით ზალკალიანი, საქართველოს ელჩი გერმანიაში ელგუჯა ხოკრიშვილი და სხვა ოფიციალური პირები დახვდნენ. აეროპორტშია საპატიო ყარაულიც.
გერმანიის კანცლერი აეროპორტიდან მთავრობის ადმინისტრაციაში გადაინაცვლებს, სადაც დახვედრის ოფიციალური ცერემონიის შემდეგ, პრემიერ მინისტრ მამუკა ბახტაძესთან პირისპირ შეხვედრას გამართავს. აღნიშნულის შემდეგ, შეხვედრა გაფართოებულ ფორმატშიც გაიმართება.
დაგეგმილია შეხვედრა პრეზიდენტთან და ოპოზიციური პარტიების წარმომადგენლებთანაც. გერმანიის კანცლერი შეხვდება სტუდენტებსაც და მათ შეკითხვებს უპასუხებს.
ანგელა მერკელი მოინახულებს საოკუპაციო ხაზსაც. ამ დროისთვის არსებული ინფორმაციით, მერკელი საოკუპაციო ზოლს ქართული დელეგაციის გარეშე, ევროკავშირის სადამკვირვებლო მისიასთან ერთად მოინახულებს.
აღსანიშნავია, რომ გერმანიის კანცლერის ვიზიტი, რომელიც ხვალ, 24 აგვისტოს დასრულდება, პირველი ოფიციალური ვიზიტია საქართველოში. მანამდე კი, მერკელი თბილისში, 2008 წლის აგვისტოს ომიდან რამდენიმე დღის შემდეგ, მიხეილ სააკაშვილთან მოლაპარაკების მიზნით იმყოფებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.