გერმანიის კანცლერის ვიზიტი და ის გზავნილები, რომლებიც მან ჩამოიტანა, არის ძალიან მკაფიო და ძლიერი არა მხოლოდ საქართველოსთვის, არამედ რუსეთისთვისაც. მან ისაუბრა ოკუპაციის შესახებ, ის ეწვია საოკუპაციო ხაზს და აღნიშნა, რომ ეს ყველაფერი არის უსამართლობა, აცხადებს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე.
„ჩვენ გვაქვს გერმანიის მტკიცე მხარდაჭერა. ეს მხარდაჭერა ხაზგასმით აღინიშნა ქალბატონ მერკელის მხრიდან, ასევე ბუნდესტაგის წევრებთან დღევანდელ შეხვედრაზე, რომელზეც მქონდა პატივი დავსწრებოდი.
ჩვენ, რა თქმა უნდა, უფრო სწრაფად გვინდა განვითარდეს და დღესვე ვართ მზად როგორც ნატოს, ასევე, ევროკავშირის წევრობის. თუმცა, ყურადსაღებია ბევრი ფაქტობრივი გარემოება, მათ შორის, ევროკავშირის წევრი ქვეყნების პერსპექტივა. ჩვენ გვაქვს პრაგმატული პოლიტიკა რუსეთთან, ისევე, როგორც გერმანიას. ვფიქრობ, რომ ამ კუთხით იკვეთება ჩვენი ინტერესები. შესაბამისად, საქართველოსთვის ევროკავშირის და ნატოს წევრობა არის ის მიზანი, რომლის რეალიზება ნაბიჯ-ნაბიჯ, მეთოდურად აუცილებლად მოხდება.
გერმანია მომავალშიც გააგრძელებს ჩვენს მხარდაჭერას როგორც ეკონომიკის, განათლების სისტემის, ასევე, დემოკრატიის და სამართლებრივი სახელმწიფოს განვითარების კუთხით", აცხადებს კილაძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.