„ლეიბორისტული პარტიის“ ლიდერმა და პრეზიდენტობის კანდიდატმა, შალვა ნათელაშვილმა შაბათის „კურიერში“ განაცხადა, რომ მთელი მსოფლიო ქართველი ხალხის არჩევანს ელოდება. მისივე თქმით, საქართველოს ხელისუფლებაში სრული ქაოსია ყველა სახის დიპლომატიურ ურთიერთობებში. ნათელაშვილი ანგელა მერკელის ჩამოსვლას „ჩრდილოეთის ნაკადის“ შეცვლას უკავშირებს.
„მთელი მსოფლიო, ევროპა, აშშ ელოდება რამდენიმე თვეში ქართველი ხალხის განაჩენს მთავარი ოლიგარქის მიმართ, რომელმაც გაძარცვა ქვეყანა. რა თქმა უნდა, მერკელი საქმის კურსშია და ინფორმირებულია.
მაშინ ჰილარი კლინტონი ჩამოვიდა ერთადერთი მიზნით, რომ ხელისუფლების მშვიდობიანი გადაბარება მომხდარიყო, ამ შემთხვევაში მერკელი ჩამოვიდა სხვა მიზნით. საქმე იმაში გახლავთ, რომ ჩრდილოეთის ნაკადს შეექმნა სერიოზული საფრთხე ვაშინგტონიდან, იქ ტრამპი იმუქრება. იმისთვის, რომ ეს ნაკადი შეიცვალოს, საჭირო გახდა მონახულება სამივე ქვეყნის - საქართველოს, სომხეთისა და აზერბაიჯანის. სწორედ ამ ფორმატში ჩაჯდა მერკელის ვიზიტი.
ამ ვიზიტმა და ხელისუფლების ქცევამ აჩვენა, რომ ჩვენ არავითარი მთავრობა არ გვყავს, დაწყებული ხალიჩის დაგება-არდაგებით აეროპორტში, გაგრძელებული სრული ქაოსით, ვინ უნდა დახვედროდა“, განაცხადა შალვა ნათელაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.