უკრაინის პრეზიდენტმა, პეტრო პოროშენკომ განაცხადა, რომ რუსეთი უკვე აქტიურად ერევა ქვეყნის არჩევნებში სოციალური ქსელების მეშვეობით. აღნიშნულის შესახებ პრეზიდენტის ადმინისტრაციის ვებგვერდი იტყობინება.
„უკვე წამყვანი ინტერნეტ ტექნოლოგიების კომპანიები აფიქსირებენ ათასობით, ათეულობით ათასობით ყალბი ანგარიშების შექმნას რუსული ფესვებით. რუსეთი ემზადება ახალი მძლავრი მანიპულაციური კამპანიისთვის - ყალბი ახალი ამბების შექმნისთვის, რათა ძირი გამოუთხაროს სტაბილურობას“, განაცხადა პოროშენკომ უცხოური დიპლომატიური დაწესებულებების ხელმძღვანელ პირებთან შეხვედრაზე.
პრეზიდენტმა ხაგასმით თქვა: „და მე არ მეპარება ეჭვი, რომ მოსკოვი არ დაკარგავს არც ერთ შესაძლებლობას, რომ მოახდინოს ჩვენი მიღწევების დისკრედიტაცია, რათა მიაღწიოს მოქალაქეებს შორის ხვალინდელი დღისა და ევროპული არჩევანისადმი იმედგაწბილების დათესვას. ჩვენ უნდა ვიყოთ მზად ამასთან ბრძოლისათვის. თუმცა კი, ეს ამოცანა არ არის მარტივი“.
მისი სიტყვებით, რუსეთმა „უკვე კარგად გაიწაფა ხელი“ ამ საქმეში, ჩაერია რა უკვე ნიდერლანდების რეფერენდუმში ევროკავშირსა და უკრაინას შორის ასოცირების შეთანხმების რატიფიკაციასთან დაკავშირებით და „ბრექსიტის“ რეფერენდუმში.
მოსკოვი უცხო ქვეყნების არჩევნებში მისი რაიმე ფორმით ჩარევას ყოველთვის უარყოფდა. რუსეთის საგარეო საქმეთა მინისტრმა, სერეგი ლავროვმა განაცხადა, რომ რუსეთის მიერ აშშ-ის და სხვა ქვეყნების არჩევნებში ჩარევის არავითარი ფაქტი არ არსებობს. იგივე აქვს ნათქვამი პუტინსაც, რასაც აშშ-ის პრეზიდენტიც არაერთხელ დაეთანხმა და დონალდ ტრამპმა ამას „კუდიანებზე ნადირობა“ უწოდა - შეფასება, რომელიც ამერიკის სადაზვერვო სამსახურების დასკვნებს ეწინააღმდეგება, რომლის მიხედვითაც მოსკოვმა ტრამპის სასარგებლოდ და ჰილარი კლინტონის საწინააღმდეგოდ ამერიკის 2016 წლის საპრეზიდენტო არჩევნებში ჩარევა განახორციელა - ჰაკერული თავდასხმებით და სოციალური ქსელების ყალბი ანგარიშების გამოყენებით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.